Ndawi 119:140 - Ala Wone Peenok Peebi Mbanak

¹⁴⁰ Wone koonogo pereegindak nogo, “Abet aret ilik?” yinuk, wakkagak eeke, An kayeloman nen koone ti, niniki kunik eeke, Eeke minggirak o.

Ndawi 119:140 ပူးပေါင်းရင်းမြစ်များ

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:47

Koone, “Yogop ee'nu ndogop ee'nu,” yugu nogo Niniki kunik minggirak me, Eerit nage logorak ninikilom mbake minggirak o.

Ndawi 12:6

Nggween nggabok worako menggam Mbuti perak leennaruwak nduk, ne 7 worappunuk, Abu obeelom age kogo mengga kwak, Kaliku ALA koone ari menggendak nogo Mbeyok ariilik, a'me lik togon aret age menggerak o

Ndawi 12:7

It aap maluk eeka iniki worokot linik nugwi, Yi o ndi o maluk eeriyak mban tiyappit nugwi, Eekwi kwe, Kaliku ALA wae. Aap yogondak ninom wonogwe yi nen alik eeppinanukwak, Kat mondok-mondok ninarum logomunggun o.

Ndawi 18:30

Kat nogoba Ala perak, Eerit nage menggendak nogo ti, abu abe mban aret o. Kaliku ALA koone ti, Pilit lek abet mban ari menggendak o. Ineebe op logorak kabu'me wonogwe iinok, Keebe nggeemu kwak nobappiirogo menggendak o.

Ndawi 19:8

Kaliku ALA nen eeko logorak wone yo'nirage nogo ti, A'me nggelok mban age menggerak me, Aakumi inale'nggen mbaruwak nduk eeppiige, Kaliku ALA kawone, “Yogop ee'nu ndogop ee'nu,” yugu nogo Tabarak lek kin paga wonage me, Aakumi iniki eya eerogo piige, Eeke menggerak o.

Kini Wuppiige 30:5

Ala yegetak ambiriluk ambi alik ageelik a'me aret age menggerak. It at abu'me ari unggwogwe iinok, inanggeemu kwak mulunogo piige menggerak.

Oroma 7:12

Ti kenok, wone yoreegerak Muta liiru mbaneegerak ti, maluk lek abu obeelom alik leenak aret o. Ndi, Ala nen, “Yogop ee'nu, ndogop ee'nu,” yinuk, yereegerak wone nogo ti kunduk, mondok obeelom mot-mot alik leenak aret agaarik o.

Oroma 7:16

An eeke minggirak ti, neebi mbake logonet kwe, eeke minggirak kenok, eeke minggirak ti paga, wone Muta yoreegerak nogo ti, “Op aret kagi,” mba'nuk, wone ti aret omaawi eerogo pege minggirak.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

1 Peterut 2:2

Ala nen obeelom eeppinanege nogo, kit eekkinake muk liippogotak kenok, elege awo ngget ndarak yilak abu nen le yogonok yilak mili lenggenak lek abe wogoragaatak nonggo logonet, tawe ogo mengga kwak, at Ala nen muk kinagap ndakkinabeegerak me, kiniki kole eekkinake logowak nduk, abe wone ti mban, “Ao,” yinuk, waganggo logonip o.

2 Peterut 1:21

it aap aa'nduk Ala wone yorogo nogogwaarak nogo nen iniki koombunuk yorogo logolik o. Ata, Aberiniki inikime lik yi unggwage mbareegi, Ala nen yorage kagak yorogo nogogwaarak nogo kineenu arubagip nduk yokkiragi o.