Ndawi 119:12 - Ala Wone Peenok Peebi Mbanak

¹² Kaliku ALA wae. Kendage mondok tiyanak logowak o. Koone lengganak nogo an mamunnake logot o.

Ndawi 119:12 ပူးပေါင်းရင်းမြစ်များ

Ndawi 119:108

Kaliku ALA wae. Niniki nen kat tiyappagage nogo Kinikilom logonet liippege, Eekaatak ndak-ndak eeppiigo logorak koone yugu nogo Liirogon mamunnege, Eeru o.

Ndawi 119:124

Kat inabuwa nen eeppiige menggendak ndak-ndak An kayeloman eeppanege, Koone lengganak nogo an mamunnake,

Ndawi 119:135

An kayeloman kenete eyarogon logonet pe'neege, Koone lengganak nogo mamunnake, Eeke logot o.

Ndawi 119:33

Kaliku ALA wae. Koone lengganak nogo Mugurok nage logokit nduk, Alom liirogon mamunnake keenok, Porogo neegak, kambuurak kuli ari nagin o.

Ndawi 119:64

Kaliku ALA wae. Aakumi inabuwa nen Kiniki kunik aganake menggendak nogo ti, O nggween paga yime abok aret ndak warak wonage me, Koone lengganak nogo liirogon mamunnake logot o.

Ndawi 119:66

Koone, “Yogop ee'nu ndogop ee'nu,” yugu nogo, Niniki panggombunuk wonage me, niniki warak ariyak inom, Yi wone ndi wone liirogon neenu ariyak inom, an mamunnake, Eeke logot o.

Ndawi 119:68

Kat obeelom aret wonage, ndi, obeelom mban eeke, Eeke menggendak me, Koone lengganak nogo an mamunnake logot o.

Ndawi 143:10

Kat nogoba Ala aret me, Kat eeriyak mbake nogo mamunnake, Kimbirak menggendak abu obeelom Aberiniki nogo nen Tu kobappaga wo'neren nawak nduk, nappi wage, Eeru o.

Ndawi 86:11

Nogoba o. An eerit nage logonet, Kat abet mban ari menggendak wone an ndak-ndak eerit nage logokit nduk, Kat eerit nage nogo an mamunnege, Nogoba o, yinuk, kayuk wuke logokit nen niniki mbere lek ambiret eerogo panege, Eeru o.

Lukat 24:45

Yorage nagagerik, Ala wone liiru mbanak tena'me kaawak nduk, iniki eya eeppiyareegerak.

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

1 Timotiyut 1:11

Ala wone kole wone nogo ti, nit alut eeko monggoorak tiyanak menggerak Ala nogo nen obeelom wone an unde logokit nduk, eeppaneegerak nogo aret o.

1 Timotiyut 6:15

Ala nen ninowe Yetut Keritut, “Ndiyom paga kin eeppi woroorak,” koonogo pereegerak nogo ndak-ndak aret kin eeppi woraagin o. Nit alut eeko monggoorak mondok alik omaawi menggerak ti, Ala aret o. Aakumi inoweewi inogoba at aret. Yi aap ndi aap inendage warak inowe endagembogut ti, at mban aret o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.