Ndawi 119:105 - Ala Wone Peenok Peebi Mbanak

¹⁰⁵ Niyok pit nage neegak ndi wuninogo panega, Nage neegak, tu eya eerogo panega, Nogo ti, kat koone aret o.

Ndawi 119:105 ပူးပေါင်းရင်းမြစ်များ

Ayup 29:3

At andi wuninik nenggaawak paga eya eerogo panege, O apit aagome nage neegak, naru eya eerogo panege, Eeke nagagerak o.

Ndawi 18:28

Kaliku ALA wae. Nandi wuninik logowak nduk eerogo panege, An o apit paga wonage neenok, Kat nogoba Ala nen eya eerogo panege,

Ndawi 19:8

Kaliku ALA nen eeko logorak wone yo'nirage nogo ti, A'me nggelok mban age menggerak me, Aakumi inale'nggen mbaruwak nduk eeppiige, Kaliku ALA kawone, “Yogop ee'nu ndogop ee'nu,” yugu nogo Tabarak lek kin paga wonage me, Aakumi iniki eya eerogo piige, Eeke menggerak o.

Ndawi 43:3

Kat aakumi eya eeppiige menggendak inom, Li'lak mban eeke menggendak wone inom, nen Tu ni'neege, Kat wonage menggenom kabuut alik leenak menggim pani wage, Eeke logowak nduk, Nappani mok o.

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Epetut 5:13

Aap ambi nen ari logonet, “Wologwe wae. Kit nogo yugwi nogo kineenik a'nip o. Kineenik a'nuk, it aakumi mondok kambak wonogwe nogo, inenggela'me nen wundi wogwe kiinok, Keritut nen eya eekkinabigin o,” yinuk, yereegerak nogo ti, ndi wuninggwi iinok, yi mendek ndi mendek o apit paga wonage nogo kin kogo mengga kwak, it aap kote eeko menggaarak nogo, nggwok paga paganogo inenggali wappiigwi iinok, “Aap yi inobaabut togop aret menggaarak iigo o,” yinuk, yuwak nduk yereegerak kogo o.

2 Peterut 1:19

Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.