Ndawi 119:100 - Ala Wone Peenok Peebi Mbanak

¹⁰⁰ Eeko logorak koone yugu nogo Porogo logonet, eerit nage minggirak me, Aakumi inoweewi yi wone ndi wone mbuuluk negen Ineenu iigak, an perak, iya negen neenu minggirak o.

Ndawi 119:100 ပူးပေါင်းရင်းမြစ်များ

Ayup 12:12

Aap inanggok kenok iniki warak logonet, wone koonogo yogwe, Aap ndarak iigak, tahun ambik eerak kenok, wone mbet-mbet liippugwi, Eeko menggaarak nogo lek a?

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ayup 32:4

Aap Eliku nogo nen it aap kenagan nogo inaa'nduk ndarak me, wone aa'nduk Ayup yoruwak nduk, torinake nagagerak kwe,

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 119:34

Koone yugu Muta liiru mbaneegerak nogo Alom neenu arikit nduk, eeppanege keenok, An wone ti liippege, Niniki ambit eeppunuk eerit nage, Eeke logogin o.

Matiyut 7:24

Yorage nagagerik, ambinom yorage logonet, “Yi aap ndi aap an noone inaruk konembunuk, liirogon eeko menggaarak ti, aap iniki warak nen awi yugum paga wureegerak nogo pogom it aret.

Yakobut 3:13

Kit aap ambi kinenggela'me iniki warak logonet, yi mendek ndi mendek mbet-mbet yelok kage menggerak kenok, aap ti, iniki tebenak logonet, iniki warak nen obeelom eerit nage kinigen kogo logobagip nduk, eerit nage logowak o.