Ndawi 118:8 - Ala Wone Peenok Peebi Mbanak

⁸ Nineebe op logowok nen, Niniki aakumi paga panggombuurak ti, meek aret me, Aliku ALA paga mban panggombunuk logorak perak, Op aret kagi o.

Ndawi 118:8 ပူးပေါင်းရင်းမြစ်များ

Wakkagagerak 30:31

Yoge mbareegi, at Laban nen, “Togop kenok, an nano mendek wokkiri?” Yoge mbareegi, at Yakup wone onggo ari logonet, “Nami o. Kat nen yi wo'negak ndi wo'negak eeriyak paga yokkege ti lek o. Ata, wone an yokkege yi iluk ti, Op o, yo'nege kenok, kaanggumi arum logonet ndegeninake logogin aret o.

Ndawi 146:3

Aap kanggo menggaarak ti, kambunuk inogoma nggigik togon nogwe iinok, Inagabolo iyokan nggween aret ari nogwe iigak, Ne ti eyom paga aret it eeriyak koonemenggaarak nogo Lek aret arigin me, It nagawan-nagawan nen kinagap ndakkinaburak meek Kanggo menggaarak mendek iigak, It paga kiniki panggombunuk logorak mage o.

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.