Ndawi 118:7 - Ala Wone Peenok Peebi Mbanak

⁷ At Aliku ALA nimbirak wonage, At nen aret yeenggwa nege, Eeke menggerak me, Nawim ti, ndak aret tebenogo piyoorak mbake agarik o.

Ndawi 118:7 ပူးပေါင်းရင်းမြစ်များ

1 Mbinineegwaarak 12:18

Yorage mbareegi, aap ineebe 30 inowe at Amatiya nogo, Aberiniki inikime nggelok ari mbareegi, ari logonet, “Ninogoba Ndawut wae. Nit kat kawuri aruwok nduk wogwe, Itayi aput yi wae. Nit kat kiyo'me ari wogwe, Eekoorak o. Kat kogoba Ala yeenggwa kirigin me, Eeriyak mbakendak nogo aret age, Ndi, it yeenggwa kiri wogwe nogo ineegin tiyak ari, Eeruwak o.” Yogo mbareegwa, at Ndawut nen it wogonake nagagerik, at awuri wim eeka inoweewi logowak nduk, mippiyareegerak.

Ndawi 112:8

Iniki nu'lek agabiti mbaka'lek logonet, Inom ogoorak tebenogo piyoorak mbake nogo Tebenogo piinet nage logogin o.

Ndawi 54:4

An yeenggwa nega ti, kat Ala aret o. An ti, nogoba kat panggok aret o.

Ndawi 54:6

Aaninggin-paaninggin noba wonage nogo abok aret noba tayenogo nappit nage, Nawim tebenak wonogwe iyaakit nduk eeppiige, Eekendak me, Nale'nggen paga we aret kake ambi warogo wokkege, Kaliku ALA kendage abu obeelom aret me, keyage wakkake, Eerigin o.

Ndawi 55:18

It an nawim ineebe ambik aago Tebenogo panuwok nduk noba kwi'nari wogwe me, Nagabolo mbangga'lek kagak nagap ndake menggerak o.

Ndawi 59:11

Togop eerumunggun kwe, Kat ninanggeemu kwak ninogoba wae! Kat eeke nogo aakumi an mendek inami arukwak, It ineebe inoorogo piyoorak mage o. Ata, it mak aago nugu logowak nduk, Komaawi paga mak eerogo piige, tebenogo piige, Eeru o.

Ndawi 92:11

It ineebi nombakwi tebenogo piige nogo an nenegen abe nen iige, Ninom ogoorak aap maluk mendek mbaganggo logonet, Inoone agan nogwe nogo naruk konengge, Eekirak o.

Yetaya 41:13

An nen aret yeenggwa kiraagin me, kinagabiti mbarugup o, yinuk, Kineenggi abe paga pippinaganuk, kinogoba Naliku Ala an nen aret yokkirage agarik o.