Ndawi 118:6 - Ala Wone Peenok Peebi Mbanak

⁶ At Aliku ALA nimbirak wonage me, aakumi nen an eeppaniyak mbakwi iinok, An nagabiti mbarigin lek o.

Ndawi 118:6 ပူးပေါင်းရင်းမြစ်များ

Ndawi 112:8

Iniki nu'lek agabiti mbaka'lek logonet, Inom ogoorak tebenogo piyoorak mbake nogo Tebenogo piinet nage logogin o.

Ndawi 146:5

“Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 56:10

An koone tiyappege minggirak kat Ala paga, An kat ari tiyappege minggirak Kaliku ALA paga, Niniki panggombigirak wonage o.

Ndawi 56:11

Niniki kat Ala koba panggonak wonage paga An nagabiti mbarigin lek niniki kwi'ndak wonage me, It aakumi nggween paga mendek nen an nano eeppaniyak mbaken? Lek aret o!

Ndawi 56:12

Ala wae. Kenegen keegak aakumi ineenik wonogo menggam an eerit nage logokit nduk, Noorukwak nagap ndarogo panege, Niyogobit mbannege kero pi'nake, Eeke keenok, “Ndogop wokkirigin o,” yinuk, Kumbuk mbaneegirak nogo muk eekendak me, Kumbuk mbaneegirak nogo ndak-ndak aruwak nduk, “Wa,” yokkege logonet, kake warogo wokkirigin o.

Ndawi 56:4

Kat Ala koone yo'nege menggendak nogo tiyappege, Kat Ala niniki koba panggombagage, Niniki koba panggonak wonage me, nagabiti mbarigin lek niniki kwi'ndak wonage, Eeke minggirak me, It aakumi nggween paga mendek nen An nano eeppaniyak mbaken? Lek aret o.

Ndawi 56:5

Kubondendok nen nok oonikiya ari nage kagak An ari minggirak kagak alik agan nugwi, Maluk eeppanuwok nduk kuwak eeppunuk, Kote wone mban mbanggwi, Eeko menggaarak.

Ndawi 56:9

Noone paga, “Yeenggwa niru o,” yokkege neenok, Nawim nogo kole mbaganit nogwe paga Kat Ala nimbirak wonage neenu arigin o.

Ndawi 94:16

Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yeremiya 20:11

It togop aret yogwe kwe, aap wim wakaa'ngget menggi kwak Kaliku ALA nimbirak aret wonage me, It an piyak-payak ee'nabit nugwi nogo nen ambi eeppanega'lek it aret iniyogobit lik togon yigeebu wambugun o. Eeppaniyak mbakwi nogo mbeyok yemenggerak paga inenggali ogwe, Inendage maluk aremenggerak nogo kobak aga'lek aberak mban wonogwe, Eeko logogun o.

Oroma 8:31

Togop me, wone yokkiragarak ti paga nonggop yuwok mbakop? Ala ninom kunik wonogwe me, ta nen ogoorogo pinanigin mbakop?

1 Tamuwen 17:11

Yorage mbareegi, at Tawun inom, Iterali mendek abok aret inom, aap Pilitin mendek wone yereegerak nogo inaruk konenggo nogogwaarik, inagabiti ambik a'nuk, inomanggen tayok yereegerak.

1 Tamuwen 17:37

At Aliku ALA nen singa inom, beruang inom, ineenggabit paga nen nibinnake kero, nagap ndakerak ndak-ndak, yogondak at aap Pilitin mendek eenggime nen togop aret ndinogo nagap ndarigin o.” Yoge mbareegi, at Tawun nen Ndawut yoge logonet, “Op aret o. At Aliku ALA kimbirak aret nak o,” yinuk, yoreegerak.