Ndawi 118:29 - Ala Wone Peenok Peebi Mbanak

²⁹ At Aliku ALA abu obeelom aret wonage, Ninabuwa mbake menggerak nogo Lek ageelik mondok-mondok wonage, Eeke menggerak me, “Wa,” lombok yogo logonip o.

Ndawi 118:29 ပူးပေါင်းရင်းမြစ်များ

Etara 3:11

Mi'nogo nogogwaarik, “Kaliku ALA kawi wuriyak nogo owak abu aret wurako o,” yinuk, ndawi wako logonet, Aliku ALA alut eekwi, “Wa!” yogwi, eereegwaarak. Ndi, eeko logonet, “Kat obeelom aret o. Nit Iterali mendek yi, Mondok-mondok kiniki kunik ee'ninake logomunggun o,” yinuk, it aakumi abok nen, “Kaliku ninogoba ALA wa,” yinuk, keekok yogogwaarak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 118:1

Aliku ALA abu obeelom mban wonage, Aakumi inabuwa lombok mbake nogo ti, Lek ageelik mondok-mondok wonage, Eerak menggerak me, “Wa,” lombok yogo logonip o.

Ndawi 118:4

It aap Aliku ALA inagabiti mbakwi nen, “At ninabuwa mbake nogo, Lek ageelik mondok-mondok wonage o,” yinuk, yogwe, Eeko logowak o.

Yetaya 63:7

At Aliku ALA ninabuwa nen liirogon eeppinanege nogo paganogo yorage, At endage tiyappuwak nduk, eerogo pinanege menggerak nogo yoranet nage, Eeke logogin o. Aliku ALA nen eerogo pinanege, Nit at apuri Iterali paga wiganak obeelom mendek eeppinanege, At ninabuwa nen liirogon obeelom eeppinanege, Eereegerak abok aret nogo ndak-ndak at endage tiyappuwak nduk agan nage logogin o.