Ndawi 118:17 - Ala Wone Peenok Peebi Mbanak

¹⁷ An kangga'lek neenik logonet, Aliku ALA eerit nagaarak nogo Mbininogo yoranet nage logogin o.

Ndawi 118:17 ပူးပေါင်းရင်းမြစ်များ

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 119:13

Eekaatak ndak-ndak eeppiigo logorak wone koone paga nen yo'nege menggendak nogo, An noone paga mbininogo yoranet nege,

Ndawi 145:4

Kat eeke menggendak nogo It aa'nduk ndarak nen peebi nda'narugun nogo yorogwe, Iya tit eerit nage menggendak nogo mbininogo yorogwe,

Ndawi 40:10

Kat obeelom mban eeke menggendak nogo Ninikime kumaappatinuk wonage, Aakumi kiniki kunik aganake menggendak inom, Wone abe aakumi eeppiyoorak wone inom, Kapuri nggwok kuwak eerak konenggwi iyo, patogo wonage, Eekeelik o. Ata, kat li'lak eeke menggendak wone inom, Inagap ndake menggendak wone inom, Yorage minggirak o.

Ndawi 40:5

Kaliku nogoba Ala wae. Kat yi eekak ndi eekak eerubok mendek ambik aret eerit nage nagagindak o. Ti eeke nagagindak kwak ambi lek aret o. Ninake aret eerikit mba'nuk eeke nagagindak me, Eerogo pit wundi wage nagagindak nogo Mbininogo yokkiriyak meek aret o. Mbininogo yuurak op kwe, Ambik aret me yuurak meek aret o.

Ndawi 73:28

Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Yeremiya 51:10

Nit aakumi obeelom niigak, maluk yo'nirogwe nogo kin niyaawak nduk, Aliku ALA nen eeppinanegerak me, Ninogoba Aliku Ala eeppinanegerak nogo, aakumi o Tiyon wonogwe me, mbininogo yora nawok o, yinuk, yogo agaarik,” Yegerak me, yokkiragi o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Yaya 11:4

Nappiyareegwaarak nogo nogogwaarik, yogo mbareegwa, Yetut konengge nagagerik, yorage logonet, “At Latarut andi eekerak nogo ti, kambuurak nduk eekerak lek o. Ata, Ala aput an ambi eeke neenok tiyappanemenggaarak paga Ala kunduk, tiyanak kin kaawak nduk eekerak o,” yinuk, yoragagerak.