Ndawi 118:15 - Ala Wone Peenok Peebi Mbanak

¹⁵ Aap iniki abe koonak inawooliya wurik me logonet, Inale'nggen nen keekok yogwe, “Aliku ALA nen eenggi abe'nggan paga iya tit eekerak me, nineegin tiyak yigi o,” Yinuk, kuum-keek yogwe, Eekwi konenggo ogoorik o.

Ndawi 118:15 ပူးပေါင်းရင်းမြစ်များ

Ndawi 111:2

Aliku ALA mondok iya tit eerit nage menggerak o. Aap at eerit nage inikilom mbako menggaarak abok nen liippogo menggaarak.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:54

An ya agak nda agak nogo yit nage logonet, Koone lengganak nogo aret ndawi pit nage minggirak.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 44:3

It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Ndawi 45:4

Aakumi abet kenok mban yogwe, Iniki tebenak logonet, a'me nggelok mban eerit nogwe, Eeko logowak nduk, Kendage abu tiyanak aakumi, “Wi,” kugwi iigak, Kaguda paga kwi'na'nuk, keegin tiyak yuwak nduk wundi nage, Aakumi inamineeri ne agan nage kagak, keenggi abe omaawi paga eerit nage, Eeke logot o.

Ndawi 60:12

Kat Ala ninom aret eekwi kenok, Ninomaawi mondok iya lombok tiyak ari kagak, Ninawim ti, kalik nen aret kiyogobit namunggun o.

Ndawi 68:3

Togop aret eeko logogun kwe, It aap iniki abe koonak perak, iniki ale'nggen ogwe, Ala enggaanom paga kwirabik-kwirabok yogwe, Inale'nggen mondok alik negen nggelok ari kenok, keekok piyanggogwe, Eeko logowak o.

Ndawi 89:13

Kat kobaak omaawi ambik aret wonage, Keenggi kunduk omaawi alik negen wonage, Keenggi abe'nggan nggorek lombok wonage, Eerak aret agaarik o.

Ndawi 98:1

At Aliku ALA nen Yi eekak ndi eekak iya tit eerit nage logonet, At eenggi abe'nggan omaawi paga, At eenggi abu woloonak paga, Eegin tiyak yegerak me, Ndawi ngget at anep pugu wako logonip o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Yetaya 65:13

Togop aret me, Aliku Itok Menggerak ALA nen wone yoragaarak nogo yi aret o. “It an nayeloman mini inambi nonggo logogun kwe, it perak, inambi nengga'lek abu aret wonogwe, Nayeloman mini inagi nonggo logogun kwe, it perak, inagi nengga'lek yi abu mban wonogwe, It an nayeloman mini inale'nggen mban mbako logogun kwe, it perak, inenggali mbakak nugwi,

Lukat 1:51

At eenggi omaawi ambik eeke paga it aakumi iniki tiyappatiyak koonit nugwi nogo mappiige,

Nappiigak 16:34

Yiime wuppiigo mbareegwa, wogoren at ame unggunuk mbi wogorage nagagerik, at inom, at apuri inom, iniki Ala oba panggombunuk abet mbareegwaarak paga iniki ale'nggen ogogwaarak.

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.