Ndawi 116:6 - Ala Wone Peenok Peebi Mbanak

⁶ Aap tebenak mendek Aliku ALA inarum wonage, Eeke menggerak me, An nomaawi lek abu meek ee'nake mbaki, At nen nagap ndakerak o.

Ndawi 116:6 ပူးပေါင်းရင်းမြစ်များ

Ndawi 106:43

At Aliku ALA nen kulinik aret Wondet eerogo piigak mban eeke nagagerak kwe, “Ala nineebi,” mba'nuk, It eeriyak mbakaatak nogo mban koombunuk, Maluk mban eerit nugwi paga Ineebe lek eerogo pako nogogwaarak.

Ndawi 142:6

An neebe abu ndeyak lombok ee'nabit unggwage me, Noone nggwok paga yokkege yi, liippanege, It aap mu'neren nugwi yi, Inomaawi ambik an tebenogo piyoorak meek me, Nili ari logonet, mugogo nappiige,

Ndawi 19:7

Kaliku ALA yereegindak liiru mbanak nogo ti, Nit aakumi eeppinaniyak ambi yobok yaga'lek mondok ndak-ndak eeppinaniyak mbanak wonage, Nit niniki kinik lek nogo, niniki kinik warak eerogo pinangge, Eeko logorak Kaliku ALA yaga'ndak nogo, niniki ti paga panggonak logorak op me, Nineenggo'lek kenok, niniki warak eeppinanege, Eeke menggerak o.

Ndawi 25:21

Kat paga niniki lunik minggirak me, An pilit ariilik abet mban ari, Koonak mban eerit nage, Eeke minggirak ti paga nen wo'neren nawak o.

Ndawi 79:8

Nit ninombomini maluk eeko nogogwaarak onggo nit ninoba kwippinaniyak ti mage o. Ata, nit niniki abu lek-lek ee'ninake me, Ninabuwa mba'nuk mbet-mbet aret ninomaawi eeppinani woraamunggun o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Oroma 16:19

Kit obeelom wone woppunuk, mondok ndak-ndak eerit nogwe nogo it aakumi abok nen konenggaarak me, kit eekwi ti paga niniki ale'nggen ambik ee'nake kwe, “It iniki warak a'nuk, maluk eeriyak wone nogo kobak eerogo punuk, obeelom eeriyak wone kenok mban eerit nogo logowak,” kinomba'nuk, yokkirage agarik o.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.