Ndawi 116:1 - Ala Wone Peenok Peebi Mbanak

¹ At Aliku ALA noone aruk konengge, Yeenggwa niruwak nduk yoge nogo liippanege, Eekerak me, Niniki kunik eeke agarik o.

Ndawi 116:1 ပူးပေါင်းရင်းမြစ်များ

Wakkagagerak 35:2

Yoge mbareegi, at Yakup akuwi-apurilogwe inom, aakumi at inom wonogwe nogo inom, abok aret yorage logonet, “An aaninggin noba agagerak nage me yeenggwa nege, noorak nombareegim nogome nage neegak narum wonage, eereegerak nogoba Ala nogo ake warogo kani kunggak yuurak yugum logonogo puurak nduk, o Mbeten noorak me, Ala kagak kinagugiwak alik mendek porogo wonogwe nogo kinoba iingga nggoorogo muunogo nappunuk, kiniki kikak naka'lek obeelom logonet, mbogoyum ngget mendek mban yikkologo logonip o.”

1 Endagembogut 9:3

yoge logonet, “Kat tamban eeke logonet, nggino yo'negendak nogo, an muk naruk konenggirak me, nendage mondok-mondok ki logorak nawi wukendak yi, nake leenogo pakirak o. Leenogo pakirak me, niniki mondok-mondok time wonage logonet, nenegen wagangge logogin o.

Ndawi 119:132

It aap kat keebe iniki kunik eekwi iinok, Inabuwa mbake menggendak kwak, Kena logurogon pe'neenok nabuwa mbake,

Ndawi 28:6

An nen Kaliku ALA nggino yokkigirak nogo ndak-ndak noone konenggendak me, Kat kendage tiyanak aret logowak o.

Ndawi 40:1

“At Aliku ALA nen yeenggwa niruwak o,” yinuk, Niniki yungguppunuk tokkagarak me, at ena logu yinuk pe'neege, Noone nggwok paga yogirak nogo konengge, Eekerak o.

Yetaya 38:15

Yoge mbaki, eeppanggerak paga an nonggop yi o? Yogirak nogo at nen onggo yo'nege, At nen mban obeelom eerogo panege, Eekerak o. Niniki mondok wakko'net unggwage nagarak me, nda'nagagirak yubuni nage kagak, Niniki tebenak logonet, eerit nage logokit o.

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,

Yunut 2:3

Kat nen niyo nggwok yenggenak laut oolo kiiniki paga lombok mbo wuppanege, Niyo alelo uwe ndingge logonet, nombok-kombok eerogo panege, Niyo kilaarak-mogonik eeke logonet, neebe taanogo panege, Eeke me,

Linggineegwaarak 21:3

Yogwi nogo Aliku ALA aruk konengge nagagerik, it aakumi Kanan mendek nogo apit aret waganogo it Iterali mendek ineenggime piige mbareegi, it aakumi Kanan mendek ineebe inom, inawi inom, abok aret pup eerogo piyareegwaarak. Togop eerogo piigo nogogwaarik, o ti endage, “Koroma o,” yinuk, toonogo pereegwaarak. Ndi, nit ninoone paga ti, Pup Eerogo Piyareegwam, aret o.

Marakut 12:33

Ndi, nit niniki inom, nineebe inom, ninomaawi inom, abok aret ninogoba Ala mban niniki kunik logorak. Ndi, nit nineebe niniki kunik eekkologo monggo kwak, ninom wonogwe nogo togop aret niniki kunik aganako logorak ti, nggwok aret o. Ndi, Ala ake warogo apit kani nawak nduk kumbugwi, Ala ake pugwi, eekwi ti, abok mbuuluk me, abet aret yagan o, nogoba.”

Yaya 16:24

O maan nen nok, yogondak kuli nendage kumbunuk nogoba ambi nggino yoga'lek aret ogotik o. Kiniki ale'nggen nggwok lombok kaamunggup nduk, nggino yo'nip o. Nggino yogwi kiinok, aret wokkirage kaamunggup o, yinuk, mondok abet aret yokkiragi o,” yoragagerak.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.