Ndawi 115:3 - Ala Wone Peenok Peebi Mbanak

³ Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 115:3 ပူးပေါင်းရင်းမြစ်များ

1 Mbinineegwaarak 16:25

Aliku ALA ti, mondok iya lombok me, At mban tiyappogo logorak op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ndawi 103:19

Aliku ALA nen wone lengganogo yorage menggim mbogut paga koonogo pereegerak wonage, Yi aakumi ndi aakumi inom, yi mendek ndi mendek inom, Abok aret abu'me piinok wonage, Eeke menggerak o.

Ndawi 123:1

Kat wone lengganogo yorage menggenom Mbogut paga menggendak nogo An nenegen nikkeya wage agarik o.

Ndawi 135:6

At Aliku ALA nen mbogut paga inom, Nggween paga inom, niyo kole laut paga inom, Yi nggwok yenggenak ogu kiiniki lombok paga inom, “Yogop eerikit,” mbake nogo ti aret eeke menggerak o.

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 68:4

At Ala aruk konenuwak nduk ndawi wakwi, Ndawi paga anep tenok-mbenok yogwe, At ndugwi paga nega nogo endage wogoppugwi, Eeko logonip o. At endage ti, Aliku ALA aret me, Enggaanom paga kinale'nggen nen kwirabik-kwirabok yogo logonip o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Ndaniyen 4:32

Kat aakumi inenggela'me nen wumbagamenggaarak ndiimbu-nggwiya kinom penaame nege logonet, tapi-ndomba iri'ngga nenet nugu mengga kwak nenet nege logomunggun o. Ti eerit nage keegak, tahun 7 aret koba nage keenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logorak aap mippiyoorak mbake kenok, aret mippiige menggerak abet aret kagi o, yinuk, mbarumunggun,” yoreegerak.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Matiyut 6:9

Ata, kit tamban yogop aret eeko logonip o. Ninogoba mbogut paga mendek ao. Kat kendage abu abe alik leenak menggendak me, tiyappagago ogoorik o.

Oroma 9:19

Ala togop eeke menggerak me, kit ambi nen, “Ti kenok, nit maluk eekwi alom Ala aret me, Maluk eekotak o, yinuk, Ala nen nonggop togon nit yo'niroorak mbaken? Ndi, Ala iniki mba'nuk nen eeke menggerak kagak alik eeriyak op me nduk ari agandik?” yinuk, yo'nugwi kiigirak me,

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.