Ndawi 114:4 - Ala Wone Peenok Peebi Mbanak

⁴ Ndomba ngguunok ku'mbo-wanggak nogwe kwak, puut-puut ku'mbo-wanggak nogwe, Ndomba aagalogwe ku'mbo-ka'mbo yogo mengga kwak, Puut-puut mbuulogwe nogo ku'mbo-ka'mbo yogwe, Eeko nogogwaarak o.

Ndawi 114:4 ပူးပေါင်းရင်းမြစ်များ

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Ndawi 29:6

Tapi aagalogwe ku'mbo wanggak nogo mengga kwak Puut Libanon togop aret ku'mbo wanggak nage, Lembu nggwiya wali mbo wanggak nogo mengga kwak, Puut Tiriyon togop aret agan nage, Eeko menggaarak.

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 68:16

Kit puut-puut elaganggen yi wae. Ala wone lengganogo yorage logowam leenogo pake, Aliku ALA nen mondok-mondok logorak koonogo pake, Eereegerak puut ti kenok, kit nen yogo logonet, “Nit puut ti kokwak logowok lak, Ao,” yinuk, Pekkogo logonet, kineebi mbakwi ti, nonggop nduk o?

Wundeegwaarak 19:18

at Aliku ALA nogo kani omoonuk wunuk ari enggela'me puut Tinayi nogo paga wambi wage mbareegi, puut nogo paga yugum yugu ka'luk negen yonggo-ndonggo lagangge logonet, puut nogo paga ka'luk penggaarogo pege, puut nogo na'ndo-wa'ndo eeke,

Wundeegwaarak 20:18

It aakumi abok aret nen o yabok kunik-kunik pindanggage logonet, ngguurubu eeke nogo inigen kogwe, enggela'me trompet oone nggwok pu eeke nogo inaruk konenggwi, ndi, puurom paga ka'luk yarugu-parugu lagangge nogo inigen kogwe, eeko nogogwaarik, inagabiti nen inaganak wake mbareegi, tayorogon taati mi'ndak logonet,

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

Abakuk 3:8

Kaliku ALA wae. Kat kaguda paga kwi'na'nuk nage, Kanggweendo paga nen wim eeke logonet, keegin tiyak yuwak nduk kwi'na'nuk nage, Eeke logonet, Yi niyo ndi niyo nage nogo kanini inombake logonet, eereegindak ilik? Niyo mbuulogwe-mbaalogwe nage nogo paga kanini oba puurak mbake logonet, eereegindak a? Ilik, niyo nggwok yenggenak laut paga kanini oba puurak mbake logonet, eereegindak kwa? Yu o!

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.