Ndawi 113:9 - Ala Wone Peenok Peebi Mbanak

⁹ It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Ndawi 113:9 ပူးပေါင်းရင်းမြစ်များ

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

2 Endagembogut 4:17

Ti'nuk, kwe nogo abila age nagagerik, at Elita nen, “Tahun ambit eeppunuk, ne yogondak yi ndak-ndak kaagaluk aap aret kogome kolaamunggun o,” yoreegerak nogo ndak-ndak ari wage mbareegi, kwe nogo aagaluk aap aret ndareegerak.

Ndawi 68:6

It inoreewi lek inalik tayorogon menggaarak nogo Aakumi inenggela'me logowak nduk piya wage, It aap keele maarak nogo inale'nggen mbarit wundi woraawak nduk, Wondet eerogo piige, Eeke menggerak kwe, It aap Ala ineebi mbaka nogo perak, Inawi iri'ngga wunggeelik nggween mbuk paga piige menggerak o.

Yetaya 54:1

At Aliku ALA nen ari logonet, “Kwe ogonggelo nen mbo pereegerak nogo, aagalogwe ambik lombok wonage, Ndi, kwe ogonggelo warak aagalogwe mbereeluk wonage, Eekwi me, At aagaluk ndaka'lek kwe wubili ti, ndawi wake, Kwe enegen paganak yagan waka'lek ti, ale'nggen inikime nggelok ari logonet ndawi wake, Ale'nggen nen kwirabik-kwirabok ari, Eeke logowak o,” yinuk, yegerak me, yokkigi o.

Linggineegwaarak 5:28

Ndi, kwe ti, maluk eekkolaga'lek ogonggelo ake mban porogo wonage kenok perak, niyo ti, namenggerak kwe, maluk eekkolaagin lek aagalogwe kuurik me aret ndaganake logogin o.

Nggalatiya 4:27

Ala wone mbanak paga nen ari logonet, “Kwe ogonggelo nen mbo pereegerak nogo aagalogwe ambik lombok wonage, Ndi, kwe ogonggelo warak aagalogwe mbereeluk wonage, eekwi me, At aagaluk ndaka'lek kwe wubili ti, iniki ale'nggen mbake, Kwe enegen paganak yagan waka'lek ti, ale'nggen inikime nggelok ari logonet, keyage wake, Eeke logowak o,” yinuk, yereegerak liiru mbanak nogo ti, nit abet mbakwi apit ninowogolo kwe Tara aret o.

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.