Ndawi 112:9 - Ala Wone Peenok Peebi Mbanak

⁹ Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 112:9 ပူးပေါင်းရင်းမြစ်များ

Ndawi 111:3

At eerit nage nogo ti, mondok tiyanak kenok, Aakumi nen, “Wi,” yinuk, pi wako menggaarak o. At obeelom mban eeppiinet nage nogo, Lek arigin lek mondok-mondok eeke logogin o.

Ndawi 112:3

At aaganapuri ineenggi warak me, Inamindik-inamendek ambik wonage, At obeelom mban eeppiinet nage nogo, Lek arigin lek mondok-mondok wonage, Eeke logogin o.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Ndawi 92:11

It ineebi nombakwi tebenogo piige nogo an nenegen abe nen iige, Ninom ogoorak aap maluk mendek mbaganggo logonet, Inoone agan nogwe nogo naruk konengge, Eekirak o.

Kini Wuppiige 14:24

Aap iniki warak nen iniki warak logonet eekwi paga inendage tiyappiigo menggaarak kwe, Aap iniki lek wi nen perak, wi negen eerit nugwi paga wi aret inombako menggaarak.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 21:26

At iniki nen nenet nage kagak, o kubondendok nen nok, oonikiya ari nage menggerak kwe, Aap iniki abe koonak nogo perak, wogogwi nogo kuli pega'lek kuluk aret wogorit wundi wogo menggaarak.

Wone Alom Kibingga 11:6

Iri'ngga yumbunemenggendak nogo, “Ambi ti, op arigin,” ilik, “Ambi ti op arigin a?” Ilik, “Imbirak aret obeelom aremenggi a?” nogo ti, kat keenggo'lek me, O kubondendok paga yi mendek ndi mendek awi yumbunit nage, ndi, o kiyoma kunduk, keenggi awiirak puk wonaga'lek eerit nage, Eeke logot o.

Wone Alom Kibingga 3:6

Kwaariyak eyom wonage, kwaaka'lek mbo puurak eyom wonage, Patogo logorak eyom wonage, mbo puurak eyom wonage,

Yetaya 32:8

It aap iniki abe nen perak, Abe koonak eeppiinet nogo logorak mban koonggo menggaarak me, Yi mendek ndi mendek abe mban eerit nugwi ti paga it mban woguk yogo menggaarak.

Yetaya 58:10

It aap mbi abu wonogwe iinok, it noorak mbakwi nogo aret wogorogwe, It aap tebenak mendek nen, Ndi mendek wo'niraawak lak, mbakwi iinok, wogorogwe, Eekwi iinok, It eya eeginake nogo o apit aago wonage nogome eya ari unggwage, It kunduk o apit aago wonogwe nogo o liingge eya kwak eerogo piige, Eerigin o.

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Matiyut 6:4

Ata, aakumi inenggaanom lek me, kumaarogo wogorogo logonip o. Ndi, kote kumaarogo wogorogwe kiinok, kinogoba kote eekwi enegen kage menggerak nogo nen onggo wokkiraagin aret o, yinuk, yokkiragi o,” yoragagerak.

Marakut 14:7

It aap inamendek lek ti, kinom mondok logomunggup me, yi mendek ndi mendek wogoroorak mba'nuk, wogoroorak ti op aret kwe, an perak, kit ninom mondok logogin lek me, kwe yi, an ee'naburak iniki abu koombunuk ee'nakerak kagi o. An kambiminggirak ndoome mambaniyak me, awo mambanega'lek iigak, amburu obari abe mendek yi, kilippanegerak me, kwe yi, teppinip o.

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Lukat 12:33

Kinamendek paga wu kunggo logomonggotik, aap ineenggi lek kenok, wogoraanip o. It aap yogoot iyagalo kiraari unggwage, yininuwo nibini unggwage, eekeelik menggim mbogut paga time kinamendek abe, lek ariyak lek nogo mendek yonggolak logowak nduk, yumunggok awi nibik yuurak lek nogo mendek yirikkologo logonip o.

Lukat 16:9

Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Yaya 13:29

Aap Yurat inawu yonggolak porogo wonage me, it ando nen mbako logonet, “At Yetut nen laago lariyak yi mendek ndi mendek ambinom kuni nawak nduk, yoge ilik, aap inamendek lek kenok, ando wogoroorak nduk, yoge a?” mbareegwaarak.

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

Oroma 12:13

It Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Pelaareegerak 15:11

O kit logowam time aap ineenggi lek, ti mendek lek arugun lek mondok aret wonogo logogun aret me, it aap kinoreewi ineenggi lek logonet, Nit ndi mendek lek me, yeenggwa niraanip o, yokkirogwe iinok, kiniki ndoobu paga aret wogorogo logonu o, yinuk, eeko logorak wone lengganogo yokkirage ti aret o,” yinuk, yoragagerak.

Pelaareegerak 15:14

Ata, at Aliku kinogoba Ala ale'nggen nen obeelom eeppinagage nagagerak nogo kokwak, it aap kinayeloman mini wondet eerogo piigwi ti, kinaanggumi kambin-ndomba inom, gandum anggen yigiko monggo'nom wonage nogo inom, anggur aambiranggo monggo'nom wonage nogo inom, mondok nggwik eerogo aret wogorogo logomunggup o.

Pelaareegerak 24:13

Nogoyum wokkiramenggerak ti paga nogo yege menggerak me, nogo yege logowak nduk, oonegen awo kilu yi naga'lek kagak, anogoyum wogogwi kiinok, aap nogo ti paga nogo yege logonet, ale'nggen kinoba pinagage kagak, at Aliku kinogoba Ala nen, Yi obeelom aret eekwi iigi o, yinuk, kinombarigin o.

1 Timotiyut 6:18

Obeelom eeppiinet nugu logonet, yi obeelom ndi obeelom eekwi paga ineenggi warak eekkologwe, iniki lek ndoobu aakumi wogoroorak mban inikilom mbakwi, eeko logowak nduk, mamunirage logot o.

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.

Wayu 22:11

Yoranet nege keegak kwe, it maluk eeko logorak mbakwi kenok, maluk aret eekwi, ndi, eeriyak lek mendek kagak ugun-ugun eerit nogo logorak mbakwi kenok, ugun aret eerit nogwe, ndi, it ando maluk eeka'lek obeelom mban eeko logorak mbakwi kenok, obeelom mban eerit nogwe, ndi, it ando kikak naka'lek Ala ake mban leenak logorak mbakwi kenok, Ala ake leenak wonogwe, eekkologo logowak o,” yinuk, yo'nege kagarak.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,