Ndawi 111:1 - Ala Wone Peenok Peebi Mbanak

¹ At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 111:1 ပူးပေါင်းရင်းမြစ်များ

Ndawi 103:1

Niniki yi wae. Aliku ALA tiyappege, Niniki-neebe yi wae. At endage abu abe alik leenak me, alut eeke, Eeke logot o.

Ndawi 106:1

At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 106:48

Iterali inogoba Kaliku Ala o. Kat aa'nduk nen nok, yogondak nen, Mondok-mondok aret wonage menggendak me, Kendage tiyappogo logowok o. It aakumi abok aret nen, “Abet aret,” yuwak o. Aliku ALA tiyappogo logowok o.

Ndawi 107:32

Aakumi kuwak aago inenggela'me alut eekwi, Aakumi inoweewi wone mbanggo menggam nen at tiyappugwi, Eeko logowak o.

Ndawi 108:3

Kaliku ALA wae. Nit ninabuwa nen kiniki kunik ee'ninake nogo, O mbogut irimbaga lombok ari lagangge, Wone yo'nirage li'lak eeppinanit wage nogo, Ndugwi kuli ari lagangge, Eeke menggerak me, Yi aakumi ndi aakumi inenggela'me nen kat tiyappagage, Aakumi inanebunu lombok inenggela'me nen ndawi paga kanep pege, Eerigin o.

Ndawi 109:30

“Kat aret eekendak o,” yinuk, At oba lenggenggwi nogo ineenggime nen Aap tebenak mendek agap ndarenok nduk, Kaliku ALA nen aap tebenak mendek eenggi abe'nggan paga mi'ndak wonage me, Noone paga Kaliku ALA mondok kalut eeke, Aakumi apit kuwak aago inenggela'me kat tiyappagage, Eeke logogin o.

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 149:1

Aliku ALA tiyappogo logowok o. Aliku ALA ale'nggen kaawak nduk, Ndawi ngget pugu wakwi, Apuri ake leenak kuwak eerak inenggela'me nen at tiyappugwi, Eeko logowak o.

Ndawi 22:23

At aap tebenogo pegaarak yagan wake nogo At Aliku ALA nen pekkoorak eebi ombake, “Ogole o,” yinuk, mbo pege, etenggen nobakkolage, Eekeelik, Oone nggwok paga, “Yeenggwa niru o,” Yoge kenok, aruk konengge menggerak me, Aliku ALA kinagabiti mbakwi yi, at tiyappugwi, Kit Yakup paga wiganak yi, at alut eekwi, Kit Iterali paga wiganak yi, at ayuk wukwi, Eeko logonip o.

Ndawi 22:25

Kat Ala eeke paga kapuri nggwok kuwak eerak inenggela'me nen kendage alut eeke, “An yogop eeke logogin o,” yinuk, Wone kumbuk mbaneegirak nogo, Inagabiti kombakwi inenggaanom paga ndak-ndak eeke, Eerigin o.

Ndawi 35:18

Ti eeke keenok, aakumi apit kuwak aago inenggaanom paga, “Wa!” yokkege, Aakumi abok kuwak eerak inenggela'me kendage tiyappege, Eerigin o.

Ndawi 89:5

Kaliku ALA wae. Kat iya tit eeke menggendak nogo, it mbogut nen, “Wi!” yinuk, pi wakkakwi, It kapuri alik leenak kuwak aago inenggela'me Kat liirogon eeppiinet nage menggendak nogo, Kendage tiyappagagwi, Eeko menggaarak o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Ndawi 9:1

Kaliku ALA wae. Niniki abe paga lombok nen, “Wa,” yokkege, Yi mendek ndi mendek abok iya lombok eerit nage menggendak nogo mbininogo yorage, Eeke logogin o.