Ndawi 110:4 - Ala Wone Peenok Peebi Mbanak

⁴ At Aliku ALA nen ari logonet, “Aap Meliketerek eeke nagagerak nogo kwak, Kat an neebe unde logonet, Mondok-mondok nake eeke logomunggun o,” Yinuk, endage kunogo kumbuk mbaneegerak me, Oone alik arigin abu lek o.

Ndawi 110:4 ပူးပေါင်းရင်းမြစ်များ

Wakkagagerak 14:18

Ndi, at aap inowe endagembogut Talem mendek endage Melikiterek nogo nen oroti inom, anggur amburu toolak inom, wonok Abaram wogori nagagerak. At aap nogo ti, Agi Mondok Tiyanak Lombok Ala unde menggerak me,

Ndawi 132:11

Kaliku ALA nen wone kumbuk mbanogo Ndawut yoge, Lek arigin lek a'me aruwak nduk, kumbuk mbanogo yoge, Eeke logonet, “Kat kaput ambi ndaremenggendak nen Kat wone lengganogo yorage menggenom Kwippiminggirak wone lengganogo yorage logogin o.

Takariya 6:13

Aliku ALA awi wurogo pege, at endage tiyanak kenok, aakumi nen, Wi! ugwi, endagembogut a'nuk wone lengganogo yorage logowam logonet wone lengganogo yorage, eeke logorak nogo at aret o. Togop me, at Aliku ALA unde wonage logonet, endagembogut a'nuk, wone lengganogo yorage logogin o. At mban Ala unde logonet eeke, at mban endagembogut a'nuk, wone lengganogo yorage, eeke logogin me, wone ambi aga'lek abe mban logonet, eeke logogin, yegerak, yoru o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Iberani 5:6

ndi, aap ambi nen Ala yereegerak wone liiru mbanak mbiningge logonet, “Aap Meliketerek eeke nagagerak nogo kokwak, kat an neebe unde logonet, mondok-mondok nake eeke logomunggun o,” yinuk, yereegerak mbiningge, eereegwaarak ti paga Ala nen aret leenogo mippereegerak kogo o.

Iberani 6:20

Ndi, at Yetut nogo ti, aap Meliketerek eeke nagagerak nogo pogom, Ala unde ninowe nggwok mondok-mondok logowak nduk, mippereegerak me, nit peebi unggwi nawok nduk, at aa'nduk ninake tu yarit unggwi nagagerak wonage o.

Iberani 7:11

It aap Lewi ombowologwe nogo, Ala unde logonet eeko logowak nduk, Ala nen mippiige mbareegi, it nen aakumi inake eeko logonet obeelom eeppiyaawak nduk, “Yogop ee'nu, ndogop ee'nu,” wone yugu inom yoragagerak nogo, eeko logonet kwe, it eekwi paga aakumi obeelom aganaburak op logonetak en, peebi it aap Ala unde Karun ombowologwe mendek nogo mbo piinok, aap alik Meliketerek mendek ambi mippiyoorak koonenetak lek o.

Iberani 7:17

Ala nen at mippege kenok eeke logorak wone yoge logonet, “Aap Meliketerek eeke nagagerak nogo kokwak, kat an neebe unde logonet, mondok-mondok nake eeke logomunggun o,” yinuk, yoreegerak liiru mbanak nogo ndak-ndak aret mippereegerak.

Iberani 7:21

Ala nen at Yetut mippege logonet perak, “Kat an neebe unde logonet, mondok-mondok nake eeke logomunggun o, yinuk, At endage kunogo kumbuk mbaneegerak me, Oone alik arigin abu lek o,” yinuk, yoreegerak nogo ti, at endage inom kunogo mippereegerak ti paga at Yetut ninake eeke logowak nduk koonogo mippereegerak nogo,

Iberani 7:28

Wone Muta yoreegerak ndak-ndak eeko logonet, it aap nggween paga mendek kagak Ala unde inowe nggwok logowak nduk, mippiigo menggaarak kwe, Ala nen at aput mippege logonet, endage kunogo yoreegerak nogo ti, wone Muta yoreegerak nogo aa'nduk kagak peebi yoreegerak me, at aput iniki mondok koleewak Ala unde ninowe nggwok ninake eeke logowak nduk, mippereegerak.

Wayu 1:6

“An kinowe endagembogut aret o,” yinuk, abu'me pinanege, at ogoba Ala unde logonet ake eeko logowok nduk, leenogo mippinanege, eereegerak me, nit yi abok aret at endage mban tiyappugwi, abu'me tebe yinuk, at oone mban konengggwi, mondok-mondok eeko logowok o, yinuk, amin!