Ndawi 11:6 - Ala Wone Peenok Peebi Mbanak

⁶ It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Ndawi 11:6 ပူးပေါင်းရင်းမြစ်များ

Wakkagagerak 19:24

Unggwi nagagerak kagak, at Aliku ALA mbogut paga nen mayu negen kani kunik omoonuk kwindagala agago ugun abera'lek me, o Torom Nggomora nogome aret wuppi wagagerak.

Wakkagagerak 43:34

mbi larak at Yutup mbi nengge menggerak eyo ndoonak paga pi wogogwaarak nogo oreewi ne ambit mbo ndooniranet nogo logonet, at Mbeniyamin perak, ne 5 aret ndoonogo wogoreegwaarak me, it nogo abok aret Yutup inom lambunna'nuk mbi inom, amburu inom, ndinggik-ndonggok aret nunggugwaarak.

Ayup 18:10

At ake keele pugu nggween abu'na taanak wonage, At tu nawam ta'na pugu wonage,

Ayup 18:15

At ame wonage lek kenok, aakumi ugun unggunuk wonogwe, At menggim kwi yubunogo pit nage,

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ndawi 105:32

At nen iname mayu wage nogo obaane'me mayu kumulinggen wurabit wage, O kimbik iname paga pindanogo nappit wage,

Ndawi 16:5

Kaliku ALA wae. Yate kwak mogonogo wo'nege, Togolowa'na amburu abe toolak kwak eeppanege, Eeke menggendak kat aret. An ee'naburak nogo abok aret Kat mban koongge menggendak.

Ndawi 18:13

Aliku ALA mbogut paga nen oone ngguurubu kwak ari, At Tiyanak Lombok nen oone eerogo nappit nage,

Ndawi 32:10

It aap maluk eeko menggaarak nogo ti, Andi-pandi inoba ari wagak mban eeke menggerak kwe, Aliku ALA oba panggombunuk wonogwe iinok perak, At nen iniki kunik aganabit nage menggerak o.

Ndawi 75:8

Niyo toolak kwak, Aliku ALA anini nogo, Togolowa'na toolak at eenggime porogo wonage, Anggur amburu eyak-nggweyak obari abe eeka inom nenggelak-kenggelak eerogo toolak kwak wonage me, At nen kilirogo nappi wage kenok, It aap maluk eeka nggween paga wonogwe nogo abok aret Amburu ti, mondok porok togon nonggo logogun o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yetikiyen 13:13

Togop aret me, Naliku Nitok Minggirak an ALA nen eeriyak nogo yi aret o. An nanini nen o wiya omaawi warit woraawak nduk eeppege, nanini nen mayu kumulinggen wuppit wage, mayu lubu-lubu wuppi wage, eeke logonet, yugum yagat wurik ti, yigirik-noonom eerogo pigin o.

Yetikiyen 38:22

Ndi, at inom, awuri ineegin warak inom, aakumi inanebunu ambik lombok at inom ogogwaarak nogo inom, it maluk eekwi onggo kugilingga inoba kwippiige, ineebe inoorogo piige, mayu lubu-lubu inoba wuppi wage, mayu kumulinggen inom, mayu negen kani kunik kwindagala aago inom, inoba kwippiige, eerigin o.

Abakuk 2:16

At ayuk wuko logomenggaarak nogo obaane'me at aret enggali warogo pugun me, At aret nenok, agabolo kin kenok, enggali aruwak o. Amburu toolak kwak, at aaninggin oba kwippuurak Naliku ALA neenggi abe'nggan paga wonage nogo, At oba ari wage kenok, wogoriminggirak nagin me, endage tiyanak wonage nogo lek age logonet, enggali mban oba lenggenak aret logogin o.

Lukat 17:29

aap Lot o Torom nen wundi nage mbareegi, Ala mbogut paga nen yugum anggen kani inom wuppit wage logonet, it ineebe abok aret pup eerogo piyareegerak nogo o.

Yaya 18:11

Aruk tabonggage mbareegi, Yetut nen at Peterut yoge logonet, “Peterut wae. Kobaloowi obaane'me yonggolu o. Yiiwa'na toolak kwak an ee'naburak nogoba nen koonogo paneegerak yi, an noorak lek nombakendak ya? Lek o. Nagin aret o,” yinuk, yoreegerak.

1 Tamuwen 1:4

At Elakana nogo nen ambi warogo Ala wogoriyak eyom panggoni wage kenok, Ala ake pugu nogo wake nagaatik, mbanak ando akwe Penina aagalogwe aap inom, kumi inom, tumburirage logonet,

1 Tamuwen 9:23

aap laago lakak unde nogo yoge, “An enggaanggum larak wokkege logonet, yi ambi eeriyak me, ya nimippu o, yokkigirak nogo wonok omok o.”