Ndawi 11:4 - Ala Wone Peenok Peebi Mbanak

⁴ Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 11:4 ပူးပေါင်းရင်းမြစ်များ

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Ayup 24:23

Nit op wonogwe mbakwi nogo, Mbako logowak nduk Ala nen teppiige logonet kwe, It eerit nugwi nogo enegen wogonake menggerak.

Ndawi 103:19

Aliku ALA nen wone lengganogo yorage menggim mbogut paga koonogo pereegerak wonage, Yi aakumi ndi aakumi inom, yi mendek ndi mendek inom, Abok aret abu'me piinok wonage, Eeke menggerak o.

Ndawi 113:5

At wone lengganogo yorage menggim abu tiyanak wonage, At abu tiyanak lombok logonet, Mbogut inom, nggween inom, enegen wugiya wage, Eeke menggerak Aliku ninogoba Ala menggi kwak, Aap ta wonage mbakop?

Ndawi 139:23

Ala wae. Kat nen an liirogon malennake, Niniki mbake keenu age, nabut mbangge, Niniki koonit nage nogo liippanege, Eeru o.

Ndawi 14:2

At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Ndawi 18:6

Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 33:13

Aliku ALA mbogut paga nen enegen wugiya wage, It aap nggween paga mendek abok aret enegen iige,

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Ndawi 66:7

At omaawi ambik logonet, Wone mondok-mondok lengganogo yo'nirage, Yi aakumi ndi aakumi enegen wogonake, Eeke menggerak me, It aap at eeke ineebi mbaka nogo nen, “At tebembuwok,” mbarugwaarik o.

Ndawi 9:11

Togop me, kit aakumi yi wae. Aap inamiya wunabeegwaarak inamee'nggo wagangga Aliku ALA aret me, at nen aberinake, It tebenak wonogwe nogo nen, “Yeenggwa niret o,” yinuk, yogwe iinok, “Inobaalombok o,” yinuk, mbo piiga'lek aruk konengge, Eeke menggerak me, Aliku ALA wone lengganogo yorage menggim o Tiyon wonage nogo, Alut eeko logonet ndawi wakwi, Eerit nage menggerak nogo, yi aakumi ndi aakumi inenggela'me yoranet nogwe, Eeko logonip o.

Kini Wuppiige 15:3

Aliku ALA enegen yi o ndi o abok aret wonage logonet, Aap maluk mendek inom, aap obeelom mendek inom, enegen liippiige menggerak o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 23:24

Aap ambi nenegen kage neyo, o ambime kumaa'nari ungguurak mbakop? Meek aret o,” yinuk, Aliku ALA nen yegerak o. Aliku ALA nen ari logonet, “An mbogut paga nggween paga neebe mondok ndak warak minggirak nogo lek a?” yinuk, yegerak o.

Mika 1:2

At Aliku kinogoba Ala awi alik leenak menggim logonet, “Ndogop eekwi kiigirak o,” yinuk, yokkiraawak nduk, Kit yi aakumi ndi aakumi abok aret yi wae. Kinaruk konenggwi, O nggween inom, o nggween paga wonogwe inom, abok aret yi wae. Kinaruk liirogon konenggwi, Eeko logonip o.

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.

Takariya 2:13

Togop me, yi aap ndi aap kit yi wae. Naliku ALA nalik leenak minggim nen muk mi'nagarak wonage me, nenggaanom paga kinabolok lek puk aret logonip o,” yinuk, yorage kagarak me, yokkiragi o.

Matiyut 23:21

ndi, Ala awi wurik endage kunogo yorogwe kiinok ti, o eebe wurik inom, at time menggerak Ala eebe nogo inom, lambuk togon endage kunogo aret yorogwe,

Matiyut 5:34

an nen perak, Kit kinoone yogo logonet, Yi mendek ndi mendek endage kumbunuk, yokkiragi o, yinuk, yoroorak ti abu mage o. Mbogut ti, Ala wone lengganogo yorage menggim me, mbogut endage kumbunuk, yorogwe,

Nappiigak 7:49

Ninogoba Ala nen, Mbogut paga ti, an noone lengganogo yorage minggim aret o. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak, nggeeme o?

2 Tetalonika 2:4

It aakumi nen yi mendek ndi mendek mippunuk, “Ninogoba Ala aret o,” yinuk, ayuk wukwi, kugiwak ogobakkigirogo punuk, alut eekwi, eeko menggaarak abok aret, at mondok maluk lombok eeka nogo nen tebenogo piinok, at alik tiyappake logonet, Ala awi wurik me mi'nari unggwage logomenggerik, “Kinogoba Ala an aret o,” yinuk, yorage logogin o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 4:2

awo aret yo'nege kagak, Aberiniki ninikime lik ari nagaarik, wo'neren pani laganggerak mban kagarak. Pani laganggerak wonage me, mbogut paga time wone lengganogo yorage menggim eyo ndoonak nogo paga, aap ambi kwi'ndak wonage kagarak.