Ndawi 109:3 - Ala Wone Peenok Peebi Mbanak

³ Inanini nen inoone mondok wonggok togon yo'nugwi, Alom lek kagak nooriyak eekwi,

Ndawi 109:3 ပူးပေါင်းရင်းမြစ်များ

2 Tamuwen 15:12

Inom aret nogo nogogwaarik, at Abatalom nogo Ala ake warogo wogoge logonet, aap Nggilo mendek endage Akitoben Ndawut inom wone koongga nogo, ame o Nggilo time wonage me, woraawak nduk, ayeloman mini yonggo nappiyareegerak. Togop eereegerak paga Ndawut tebenogo puwok nduk iniki ambit eeppunuk, koonogo pereegwaarak nogo, nggwok aret age mbareegi, aakumi apit at Abatalom inom mban aret ogogwaarak.

Ndawi 17:11

An niyok mugurok woraanuk wangge'nakwi, Nggween paga mbo nggimbanuwok nduk inigen wo'nakwi, Eeko agaarik o.

Ndawi 22:12

Lembu ngguunok kwak Ninom wim mbanak apit nen wangge'nakwi, Tapi ngguunok inigen mbolokwi O Mbatan mendek kwak nen wanggeppaninuk wonogwe,

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 35:20

It aap ti, aakumi inom iniki ambit lambunik logowok nduk, Agan nugwi lek o. Ata, it aakumi iname ugun wonogo menggaarak kwe, “Ndogop eekotak o,” yinuk, Inoone pilit lombok agan nugwi,

Ndawi 35:7

Towe yiluk yuwak nduk yum tugunogo pit nogwe, Wam yobok togon wambuwak nduk labu pugwi, Eeko mengga kwak, An pi'nabuwok nduk, Alom lek kagak togop eeppanegaarak me,

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Ndawi 88:17

Niyo wurik nage menggi kwak, Kanini nenaagan-nambokan wanggerak wonage kagak, Kubondendok nen nok oonikiya ari nage, Nagabiti aruwak nduk eeppanege nogo, enaarak lombok wonage, Eekak eeke agaarik o.

Oteya 11:12

Wim eeriyak o panggerak mengga kwak, it Eparayim inoone pilit-pilit yogwe mban an wanggeppaninuk wonogwe, It Iterali mendek ti, nambokan laganggak mban eekwi, Ndi, it aakumi Yekura mendek nen inogoba Ala at yorage nogo, Eeriyak, ineebi mban mbakwi, At Kikak Nakeelik Alik Leenak nogo inom ogoorak mban wonogwe, Eeko agaarik o.

1 Tamuwen 26:18

Ari nagagerik, “An maluk nano eekirak. Ndi, maluk ngge eeriyak koongge me, an kayeloman mu'neren-ma'neren nege agandik?