Ndawi 109:27 - Ala Wone Peenok Peebi Mbanak

²⁷ Ti eeke keenok, Kat keenggi paga nen aret ee'nake, Ndi, Kaliku ALA wae. Kat nen aret nagap ndake, Eeremenggendak nogo It aakumi ineenu arugun o.

Ndawi 109:27 ပူးပေါင်းရင်းမြစ်များ

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Nekemiya 6:16

Ndi, age yoboneegurak nogo, yi aakumi ndi aakumi ninaagan-ninambokan wonogwe nogo abok aret inigen kogwe, ninawim nogo inaruk konenggwi, eereegwaarak me, ninawim nen, “It inogoba Ala nen yeenggwaarage kagak, eekaarak kogo o,” yinuk, inoone lek puk aret ogogwaarak.

Ayup 37:7

At eeke ti paga aakumi ogobakkigirogo piyareegerak nogo nen At eeke menggerak ineenu aruwak nduk, It eeko menggaarak nogo non mbanogo piige,

Ndawi 126:2

Ti eyom paga I'ndok kambuurak mban ninambe paga wonage, Ndawi wariyak mban ee'ninake, Eereegerak me, Aakumi inanebunu lombok i'mban-mban yogo logonet, “At Aliku ALA nen Aakumi ti mondok iya lombok eeppiigerak kogo o,” Yinuk, yogo nogogwaarak.

Wundeegwaarak 8:19

It aap kugi alom ineenu nogo nen wakkogogwaarak meek aret age mbareegi, Pirawun yogwi, “Yi Ala eenggi omaawi paga nen aret eeke o,” yoreegwaarak kwe, Aliku ALA nen wone aa'nduk yereegerak nogo ndak-ndak aret Pirawun iniki omaawi age nagagerik, it inoone konenulik mbo pereegerak.

Nappiigak 4:16

“Aap yi, nonggop eerogo piyaawi o? Eerubok mendek eekaarak nogo it Yerutalem menggaarak abok aret ineenu agaarak me, nit nen, Obeelom eerulik, yuurak ti, meek o.