Ndawi 109:16 - Ala Wone Peenok Peebi Mbanak

¹⁶ Aap ti nen, “Aakumi ambi inabuwa nen ambiriluk ambi obeelom eeppiyaakit,” mbaka'lek logonet, Ineenggi lek tebenak inom, iniki wakkologwe nogo inom, Piyak-payak mban eerogo piinet nage kagak, Kambit nogo nogogwaarak.

Ndawi 109:16 ပူးပေါင်းရင်းမြစ်များ

Wakkagagerak 42:21

at ambi nen at ambi yogak eeko logonet, “Ninawuluk aaninggin-paaninggin eeppogo mbareegu, Noweewi o. Nabuwa mba'nuk teppaninip o, ari kagak, ninaruk konenulik eeppereegurak nogo paga aret onggo aaninggin warak mendek ninoba age yi kaanip o.”

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 34:18

Aakumi iniki wakkologwe wonogwe iinok, Aliku ALA inom koorok aret wonage, Iniki aan mbele aago wonogwe iinok, at pilanogo piige, Eeke menggerak o.

Ndawi 37:14

It aap aaninggin inoba wonogwe inom, ineenggi lek menggaarak nogo inom, tebenogo piigwi, It iniki koonak nogo inoorogo piigwi, Eeruwok nduk, It aap maluk eeka nen Inawooluwak nggiginogo waganggwi, It ineegin agale wukwi, Eeko menggaarak kwe,

Ndawi 37:32

It aap maluk mendek nen Aap iniki abe koonak wogwe iyo enaakwi, “Alom ngge paga yilumbunuk inooruwi o?” yogwe, Eeko menggaarak kwe,

Matiyut 5:7

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, Iniki ale'nggen aret mbako logowak o.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.