Ndawi 109:12 - Ala Wone Peenok Peebi Mbanak

¹² It ambi at abuwa nen obeelom eeppega'lek wonogwe, Apuri moono yumbunik nogo kunduk, inabuwa nen obeelom eeppiiga'lek wonogwe,

Ndawi 109:12 ပူးပေါင်းရင်းမြစ်များ

Ayup 5:4

Apuri wologwe nogo yeenggwaaraga'lek teppiigwi, O kota tu unggwogo menggam inowak loonggo logonet, Tebenogo piigwi iigak, inaana'le mbangga'lek mbo piigwi,

Yetaya 13:18

Inomaale paga wologwe tawe polok ati inookwi, Elege ngget ndarak inabuwa mbaka'lek inookwi, Wologwe mbuulogwe kunduk inabuwa mbaka'lek togop aret inookwi, Eerugun o.

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yetaya 9:17

It aakumi abok aret ti, maluk mban eeriyak mbako logonet, Ala ineebi mbakwi, It abok aret wone yuurak lek kagak aap wi yogo mengga kwak agan nugwi, Eekwi me, Ninogoba Ala ti, wologwe tawe nogo inikilom mbake, Ndi, elege moono inom, kumi nanu inom, inabuwa mbake, Eerigin lek aret o. Ti abok eeginabigin kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Matiyut 27:25

Yorage mbareegi, it aakumi abok aret inoone wonggok togon yogo logonet, “At amiya ti, nit ninapuri-ninombowologwe ninom ninoba logorak op aret o.”

Lukat 6:38

Ugun wogorogwe kiinok, ugun wokkirogwe kaamunggup o. Togolowa'na eno korok togon yonggoppunuk, nggwik-nggwik eeke, tebenogo wuppege, eeppunuk, a'nggan ngginu-ngginu wangge kagak, kinabu'me ngginggirogo mengga kwak, ndak-ndak wokkirage kaamunggup o. Wakkagak nogo paga wakkaanuk aakumi wogorogo monggotak nogo ti, ndak-ndak wakkaanuk wokkirage kaamunggup o,” yoragagerak.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.