Ndawi 108:13 - Ala Wone Peenok Peebi Mbanak

¹³ Kat Ala ninom aret age keenok, Ninomaawi mondok iya lombok tiyak ari kagak, Kalik nen aret ninawim kiyogobit namunggun o.

Ndawi 108:13 ပူးပေါင်းရင်းမြစ်များ

2 Mbinineegwaarak 20:12

Kat ninogoba Ala nogo lek a? It ineegin warak mondok alik negen aago ninoba kwi'nari unggwi woroorak eekwi yi, nit ninomaawi paga it eeppiyoorak meek me, kat nen aaninggin inoba kwippiyet o. Nit nen eeppiyoorak meek kenok, kat mban ninigen pekkeego o,” yinuk, tamban eereegerak.

Ndawi 144:1

Wim namburiyak mamunnake, Nawim ninom perenggoloorak ena koonogo panege, Eeke menggerak nayugum lunik kwak At Aliku ALA aret me, tiyappege agarik o.

Ndawi 18:42

Wun o wiya nen Wonok nage menggi kwak eerogo piige, Purok tu paga wonage nogo Aap iniyok amok mbanogo pogo mengga kwak, Ineebe togop aret eerogo piinet nage, Eekirak o.

Ndawi 60:12

Kat Ala ninom aret eekwi kenok, Ninomaawi mondok iya lombok tiyak ari kagak, Ninawim ti, kalik nen aret kiyogobit namunggun o.

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 63:3

Yoge mbaki, “Anggur anggen aambiranggo menggam aakumi ninom lek nalik aret aambirangge, Anggur anggen aambiranggo mengga kwak nanini nen aambiranogo piige, Nanini nen niniki mi'nage logonet, yi aakumi ndi aakumi tebenogo piige, Eeke neegak, Inamiya nayum paga labunnage, Nayum paga abok aret inamiya mban lengge-lengge nage, Eekerak o.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

Owak Loongga 15:8

Yinuk, anini ambik age nagagerik, kumili negen a'nuk, it ambik aret inoorogo piinok, puut lunik Etam ndoome time ari nanuk, wonagagerak.