Ndawi 107:39 - Ala Wone Peenok Peebi Mbanak

³⁹ Togop kwe, aakumi nen it tebenogo piigwi, Aaninggin-paaninggin inoba kwippiigwi, Yagan wako logowak nduk, eeppiigwi, Eeko nogogwaarak paga Ineebe mbereret ogwe, inenggali mbakak nugwi, Eeko nogogwaarak.

Ndawi 107:39 ပူးပေါင်းရင်းမြစ်များ

2 Endagembogut 10:32

Ne ti eyom paga at Aliku ALA nen o it Iterali wonogo menggam logorogon eerogo pi unggwikit nduk, eeke mbareegi, at Katayen nen it Iterali tebenogo piya unggwage logonet, it inanggween

2 Endagembogut 14:26

At Aliku ALA nen it Iterali mendek inendage warak inom, inendage lek inom, abok aret andi mondok alik negen yagan wakwi iigak kwe, ambi nen yeenggwaaraga'lek aret iige nagagerik,

2 Endagembogut 13:22

Aap Yowakat nogo Iterali inowe endagembogut logonet, wone lengganogo yorage kagak, aap Aram inowe endagembogut Katayen nogo nen it Iterali mendek tebenogo piigak mban eeke nagagerak kwe,

2 Endagembogut 13:7

At aap Aram inowe endagembogut nogo nen at Yowakat awuri wim eeka abok aret gandum agabolo mbelenggo logonet, abupak lagangge menggi kwak, ineebe abu lek eerogo piyareegerak kwe, aap kuda wonok nega ineebe 50 inom, nggweendo wim eeka 10 inom, ndi, it ineegin warak iniyok paga nogo menggaarak sepuluh ribu inom, ti mban teppiyareegerak.

2 Endagembogut 8:3

Tahun 7 abu aret eeppunuk, kwe nogo, o it Pilitin wonogwe me nen ame iyokan wage nagagerik, awi inom, anggween inom, wogoruwak nduk, aap endagembogut wonage me ka nagagerak.

2 Endagembogut 4:8

Ne ambi paga at Elita nogo o Tunem nagagerak me, kwe eenggi warak o time menggerak nen Elita imbirak mbi nawok nduk, oone nabek togon yoge mbareegi, imbirak nunggugwaarak me, ti'nuk, time nagak eeke logonet, kwe nogo ame ka unggunuk, mbi nenggak eeke nagagerak.

Ayup 12:23

Yi aakumi ndi aakumi ambik lombok eerogo piige, Ti'nuk, lek eerogo piige, Yi aakumi ndi aakumi ambik wiganogo piige, Ti'nuk, mak eerogo piige,