Ndawi 107:27 - Ala Wone Peenok Peebi Mbanak

²⁷ Aap amburu nenok kumili eeginake menggi kwak, Nombok-kombok aganake, neyak-kweyak eeginake, “Yogop eeruwok o,” yinuk, kooniyak meek age, Eeke mbareegi,

Ndawi 107:27 ပူးပေါင်းရင်းမြစ်များ

Ayup 12:25

Aap anggur amburu nenok, kumili kunggo nagaatik, Langgok-panggok nugu mengga kwak, O eya lek apit aago kenok, ineenggi nduk nugu logowak nduk eeppiige, Eeke menggerak at aret o.

Yetaya 29:9

At Aliku ALA nen nogo nggaruk togon yuurak eerogo pinagareegerak o. It Ala yorage kagak yoraga nogo inigen nobarogo piige, Inabinggaanggo kaga abe yogwe lek, mbaruwak nduk, inabut wurogo piige, Eereegerak me, Yi mendek ndi mendek kinigen kaga'lek kinigen mbuk eerogo pakwi, Anggur amburu noolik kwe, kumili kunggwi, Niyo omaawi mendek noolik kwe, neyak-kweyak agan nugwi, Eeko logonet, Kiniki ma'nage, “Wi!” yogwe, eekwi ti, kinombaalombok eekkologo logonip o.

Yetaya 19:14

At Aliku ALA nen iniki wi eerogo piiga inikime mambiyareegerak kenok, Naalop-kaalop koonit nogwe paga Aap ambi kumili aganaka amburu nenok, peyak wuke nagaatik, peyak wurik paga lagak-mbagak ari menggi kwak, It aap ti nogo nen it o Metit mendek togop eeko logowak nduk, eerogo pigaarak me,

Yetaya 19:3

It aakumi Metit mendek iniki ma'naremenggerak me, Eeriyak koonogo pemenggaarak nogo an nen eeriyak meek aret eerogo piyaagin o. Ti eerogo piige neenok, It inagugi nen yeenggwaaraawak nduk nggino yogwi, Aap kugi unde nen yoraawak nduk yorogwe, Tili pagangga nen yoraawak nduk, yorogwe, Aap inogoma wiiraga nogo yorogwe, Eeremenggaarak kwe,

Yetaya 24:20

Aap amburu kumili aganaka nengge nagaatik, neyak-kweyak agan nege menggi kwak nggween yi togop aret eeke, Ooliya yiluk-yiluk wurik me, o wiya wage logonet, na'ndo-wa'ndo eeke menggi kwak nggween yi, togop eeke, Eeke kagarak o. It aakumi Ala wone yugu, “Nineebi o,” yinuk, maluk eerit nugwi inomaluk aaninggin nen O nggween yi aambirak togon wambigin me, obaane'me ari lagi woraagin mondok lek aret o.

Ayup 37:20

Eliku nen wone ambi kat yokkiriyak ari me, Yokkiriyak ilik, lek a? yinuk, Ala yoriyak op mbaken? Aap ambi nen, Nenggaawak lek eerogo panu o, Yinuk, yoriyak op mbaken? Meek aret mbaki o!