Ndawi 107:22 - Ala Wone Peenok Peebi Mbanak

²² “Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 107:22 ပူးပေါင်းရင်းမြစ်များ

Ndawi 116:12

At Aliku ALA nen Obeelom mban eeppanit wundi wage menggerak me, An nen onggo nano wogoriyak mbakop? Lek o.

Ndawi 116:17

An nen, “Wa,” yokkege logonet, ambi warogo wokkege, “Aliku ALA nen aret yeenggwa nigi o,” yinuk, noone nggwok paga agan nege,

Ndawi 118:17

An kangga'lek neenik logonet, Aliku ALA eerit nagaarak nogo Mbininogo yoranet nage logogin o.

Ndawi 27:6

Ti eerogo panege keenok, Nawim wangge'nabemenggaarak nogo, Nabu'me iigak nuut pilak ari, Kawi wurik me kake warogo wokkege logonet, Nale'nggen nen kuum-keek ari, Karuk konenenok nduk, ndawi wake, Ndawi paga kanep tenok-mbenok ari, Eerigin o.

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Ndawi 73:28

Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Ndawi 9:11

Togop me, kit aakumi yi wae. Aap inamiya wunabeegwaarak inamee'nggo wagangga Aliku ALA aret me, at nen aberinake, It tebenak wonogwe nogo nen, “Yeenggwa niret o,” yinuk, yogwe iinok, “Inobaalombok o,” yinuk, mbo piiga'lek aruk konengge, Eeke menggerak me, Aliku ALA wone lengganogo yorage menggim o Tiyon wonage nogo, Alut eeko logonet ndawi wakwi, Eerit nage menggerak nogo, yi aakumi ndi aakumi inenggela'me yoranet nogwe, Eeko logonip o.

Ndawi 9:15

It yi aakumi ndi aakumi nen Wam labu pugu kwak nggween kabunogo pereegwam it aret yobok togon wanggwi, Ndi, keele pereegwam it aret iniyok nggerenggologwe, Eekaarak o.

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Ala Unde 7:12

An nake pi wogwe nogo ti, Nogoba Ala wa, yo'niruwak nduk, nake pi wogwe kenok, oroti ragi pega'lek kagak amburu paga mban amok mbanogo longgo warogo worarak inom, oroti ragi inom pega'lek kagak tabak worarogo punuk, amburu obaga labunogo pugu inom, gandum anggen abu abe yigirik amburu paga amok abu liirogon mbanogo kuwe worarak inom, an, Wa, yo'niruwak nduk, warak nogo inom lambunogo punuk, nake pi wogo logowak o.

Iberani 13:15

Togop me, eyoonggen abe yi'nage menggi kwak, “Yetut ninowe aret o,” yinuk, Keritut ninake eereegerak paga Ala ake warogo wogogwi negen, nit kulinik-kalinik ninoone paga Ala alut eeko logonet, endage tiyappegak mban eeko logowok o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.