Ndawi 107:1 - Ala Wone Peenok Peebi Mbanak

¹ At Aliku ALA ti, obeelom mban wonage me, “Wa,” yogo logonip o. Aakumi inabuwa nen iniki kunik aganake nogo ti, Lek aga'lek mondok aret wonage menggerak.

Ndawi 107:1 ပူးပေါင်းရင်းမြစ်များ

1 Mbinineegwaarak 16:34

At Aliku ALA abu obeelom logonet, Aakumi iniki kunik mbake nogo ti, Mondok-mondok aret logogin me, Wa, yogwi,

1 Mbinineegwaarak 16:41

it aap ti, yeenggwaarogo logowak nduk, aap Keman inom, Yerutun inom, it aap ndawi wako logonet, “At aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, Aliku ALA wa! yogo logowak nduk inendage kunogo piyareegerak nogo, inom piige,

2 Mbinineegwaarak 20:21

Yorage nagagerik, it aakumi ti inom wone mbambunuk, at Yotapat nen it aap ineegin warak inambokan wogwe iigak, inaa'nduk a'nuk at Aliku ALA kikak naka'lek alik leenak mondok iya kenok, endage tiyappugwi, Aliku ALA endawi wakwi, eeko logonet, “Nit aakumi yi, Aliku ALA nen iniki kunik ee'ninake nogo Mondok-mondok aret ee'ninake logogin me, Wa lombok, yogo logowok o,” yinuk, yogo logowak nduk, aap mippiyareegerak.

2 Mbinineegwaarak 5:13

Aap trompet oone nggwok eeka inom, aap ndawi tiyangga inom, ambugwi aret Aliku ALA alut eeko logonet, “Wa!” yogo nogogwaarak. Inoone nggwok paga Aliku ALA alut eeko logonet, “At obeelom aret o. Aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, yogwe iigak, oone nggwok eeka trompet nogo oone pu eekwi, togolowak tabak oone pu ndale eekwi, yi oone ndi oone eekak nogo inom oone eekwi, eeko nogogwaarak. Ti eekwi iigak, ndugwi Aliku ALA awi wurik me yagabit eerogo pi unggwagagerak.

2 Mbinineegwaarak 7:3

Ndi, it aakumi Iterali mendek abok aret kani kunik mbogut paga nen wambi wage, ndi, Aliku ALA abinak nogo at awi wurik irimbaga nobarogo pege, eeke nogo inigen kogo nogogwaarik, inendobanggun yindumbunuk, inetenggen nggween paga wanduk yinuk, Aliku ALA alut eekwi, Wa, yogwi, eeko logonet, “Kat abu obeelom menggendak o. Kiniki kunik ee'ninake ti, Lek arigin lek mondok kunik logogin o,” yinuk, yoreegwaarak.

2 Mbinineegwaarak 7:6

Ndi, it aap Ala unde nogo inobaane'me aret mi'nari nogwe, ndi, aap endagembogut Ndawut nen Aliku ALA alut eeke, “Kiniki kunik ee'nake ti, lek arigin lek mondok kunik aret logogin me, wa!” yinuk, ndawi tiyangge, eeke logonet, oone eeka ogobakkigireegerak nogo, it Lewi mendek nen woppunuk, inobaane'me mi'nari nogwe, eeppunuk, inengga kunna'nuk, it Iterali abok aret taati mi'ndak wonogwe iigak, ndawi wakwi, it aap Ala unde nogo oone nggok eeka trompet nogo oone pu eekwi, eeko nogogwaarak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 105:1

Aliku ALA, “Wa,” yogwi, At endage kunogo kinoone nggwok paga yogwi, At eerit wagagerak nogo, Yi aakumi ndi aakumi inenggela'me yoranet nogwe,

Ndawi 106:1

At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 118:1

Aliku ALA abu obeelom mban wonage, Aakumi inabuwa lombok mbake nogo ti, Lek ageelik mondok-mondok wonage, Eerak menggerak me, “Wa,” lombok yogo logonip o.

Ndawi 119:68

Kat obeelom aret wonage, ndi, obeelom mban eeke, Eeke menggendak me, Koone lengganak nogo an mamunnake logot o.

Matiyut 19:17

Yoge mbareegi, Yetut nen, “At ambiret mban obeelom menggerak nogo kagak, nonggop nduk, Obeelom mendek ngge eeri, yinuk, an kin wo'neege agandik? Keenik mondok mendek kolaakit, mbake keenok, Yogop ee'nu, ndogop ee'nu, wone yugu nogo aret mondok ndak-ndak eeke logot o.”

Lukat 1:50

It aakumi at inagabiti mbakwi iinok, muk ndarak ngget ndarak abok aret inabuwa nen obeelom eeppiinet wundi wage logogin o.