Ndawi 106:1 - Ala Wone Peenok Peebi Mbanak

¹ At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 106:1 ပူးပေါင်းရင်းမြစ်များ

1 Mbinineegwaarak 16:34

At Aliku ALA abu obeelom logonet, Aakumi iniki kunik mbake nogo ti, Mondok-mondok aret logogin me, Wa, yogwi,

1 Mbinineegwaarak 16:41

it aap ti, yeenggwaarogo logowak nduk, aap Keman inom, Yerutun inom, it aap ndawi wako logonet, “At aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, Aliku ALA wa! yogo logowak nduk inendage kunogo piyareegerak nogo, inom piige,

Etara 3:11

Mi'nogo nogogwaarik, “Kaliku ALA kawi wuriyak nogo owak abu aret wurako o,” yinuk, ndawi wako logonet, Aliku ALA alut eekwi, “Wa!” yogwi, eereegwaarak. Ndi, eeko logonet, “Kat obeelom aret o. Nit Iterali mendek yi, Mondok-mondok kiniki kunik ee'ninake logomunggun o,” yinuk, it aakumi abok nen, “Kaliku ninogoba ALA wa,” yinuk, keekok yogogwaarak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 105:1

Aliku ALA, “Wa,” yogwi, At endage kunogo kinoone nggwok paga yogwi, At eerit wagagerak nogo, Yi aakumi ndi aakumi inenggela'me yoranet nogwe,

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 107:1

At Aliku ALA ti, obeelom mban wonage me, “Wa,” yogo logonip o. Aakumi inabuwa nen iniki kunik aganake nogo ti, Lek aga'lek mondok aret wonage menggerak.

Ndawi 118:1

Aliku ALA abu obeelom mban wonage, Aakumi inabuwa lombok mbake nogo ti, Lek ageelik mondok-mondok wonage, Eerak menggerak me, “Wa,” lombok yogo logonip o.

Ndawi 119:68

Kat obeelom aret wonage, ndi, obeelom mban eeke, Eeke menggendak me, Koone lengganak nogo an mamunnake logot o.

Ndawi 135:3

At mendek logowak nduk, Aliku ALA nen Yakup miirogo pege, Iniki kundugu lombok logowak nduk Iterali leenogo pege, Eereegerak paga Aliku ALA abu obeelom mban wonage me, tiyappugwi, It aakumi at endage kunggo logonet, Inale'nggen kogo menggaarak me, at endage tiyappugwi, Eeko logonip o.

Ndawi 136:1

Aliku ALA ti, obeelom aret me, “Wa,” yogo logonip o. & Ninabuwa mbake ti, itok kunik wonage o.

Yeremiya 33:11

aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.

Matiyut 19:17

Yoge mbareegi, Yetut nen, “At ambiret mban obeelom menggerak nogo kagak, nonggop nduk, Obeelom mendek ngge eeri, yinuk, an kin wo'neege agandik? Keenik mondok mendek kolaakit, mbake keenok, Yogop ee'nu, ndogop ee'nu, wone yugu nogo aret mondok ndak-ndak eeke logot o.”

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.