Ndawi 105:41 - Ala Wone Peenok Peebi Mbanak

⁴¹ Puut lunik nggaganogo pege mbareegi, Niyo kilak togon wundi wage, Niyo nage kwak, yi lek me karume wu'nuk nage, Eereegerak.

Ndawi 105:41 ပူးပေါင်းရင်းမြစ်များ

Nekemiya 9:15

It inambi abu kenok mbogut paga nen inambi wugira wage, inagi abu kenok yugum me nen kilanogo wumbiya wage, kat nen o it unggwi nanuk logowam wogoroorak keenggi nippege logonet, wone kumbuk mbaneegindak nogome, Unggwi nogo logomonggotik, unde eekkolaamunggup o, yinuk, yorage, eereegindak o.

Ndawi 78:20

Yawi paga yugum wake kenok, Niyo yugum me nen kilak togon wundi wage, Yi niyo ndi niyo nagabit nage, Eereegerak kwe, Nit ninambi noorak wo'nirage, Nit at apuri enggaanggum noorak pipuk eerogo pinanege, Eeriyak op ya?” yinuk, yogwe, Eereegwaarak.

Yetaya 48:21

At Ala nen kinombomini tu niyo lek me, o karume wogoren wage logonet, Yugum paga nen niyo wundi woraawak nduk eeke, Yugum nggaganogo pege kenok, it inake niyo kila-kila wundi wage, Eereegerak me, It niyo abu lek aret wogogwaarak o.

Linggineegwaarak 20:11

Yorage nagagerik, waanggun eenggime miiri nagak eereegi-eereegi ne mbere paga yugum nogo nggwinggagagerak. Nggwinggage mbareegi, niyo kilak togon wundi wagagerak paga it aakumi ineebe inom, inaanggumi inom, nunggugwaarak.

1 Korindut 10:4

ndi, yugum wareegerak nogo ti, Keritut kwak me, wake mbareegi, Ala nen niyo wogoragagerak nogo, it abok aret nunggwi, eereegwaarak kwe,