Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ndawi 105:2 - Ala Wone Peenok Peebi Mbanak

2 At ale'nggen mbaruwak nduk, ndawi wakwi, Ndawi paga endage tiyappugwi, Iya tit eeke nagagerak nogo abok aret mbininogo yoranet nogwe,

အခန်းကိုကြည့်ပါ။ ကော်ပီ




Ndawi 105:2
17 ပူးပေါင်းရင်းမြစ်များ  

Eeko logorak wone mamunnake menggendak nogo Alom liippikit nduk, eeppanege keenok, Kat iya tit eeke menggendak nogo Ninikime mbininit nage logogin o.


At eerit wage menggerak abok aret ninikime mbiningge, Aa'nduk iya tit eerit wagagerak ninikime nen maloppit nage, Eekirak o.


Eeke nagarik, nogoba Ala yoge logonet, “Ala wae. Kat eeke menggendak nogo ti, Abu obeelom mban eeke menggendak o. Kat ninogoba Ala mondok iya menggendak kwak Alik ambi wonage abu lek aret o.


At Aliku ALA nen Yi eekak ndi eekak iya tit eerit nage logonet, At eenggi abe'nggan omaawi paga, At eenggi abu woloonak paga, Eegin tiyak yegerak me, Ndawi ngget at anep pugu wako logonip o.


Aliku ALA ale'nggen kaawak nduk, nggitat eeko logonet ndawi wako logonip o. At endagembogut Aliku ALA enggaanom paga Nggitat eekwi, ndawi wakwi, Oone nggwok eeka trompet nogo oone pu eekwi, Ndomba eyak paga oone pu eekwi, Eeko logonet, Kiniki ale'nggen paga keekok yogo logonip o.


Ndi, peebi ne ambi paga kinapuri nen, Kit eekwi yi, wone eebe ngge nduk eeko ogotik? Yokkirogwe iinok, kit nen yorogo logonet, At Pirawun iniki omaawi logonet nit wundi woraawok nduk, teppinaniyak eebi mbake nagagerik, pippinanogo wonage mbareegi, Aliku ALA nen aakumi Metit mendek inapuri manggu ndarak inom, inaanggumi ndaka'lek me aa'nduk ndarak inom, inooke nagagerik, eenggi omaawi paga o Metit nen wo'niren wundi wagagerak kenok, ninaanggo ndaka'lek iyaalok lombok nda'nogwe iinok, at Aliku ALA ake leenogo pugwi, ndi, ninapuri aap manggu ndarak Aliku ALA wogoriyak ineebi mbakwi iinok, inobaane'me wu aret pugwi, eeko monggoorak o.


Ndi, kit-kit aret kiniki mondok ale'nggen paga ninogoba endage alut eeko logonet, Ndawut ndawi pereegerak nogo inom, ki wone ndawi inom, Ala eeke menggerak ndawi inom, abok aret warit nogo logonip o.


An nogo, Iterali inogoba Ala ake ndawi tiyangge, At Aliku ALA endaame wake, Eeke me, Kit aap kinendagembogut yi, kinaruk o. Kit nagawan-nagawan yi, konenggo logonip o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ