Ndawi 104:5 - Ala Wone Peenok Peebi Mbanak

⁵ O nggween yi, abena ndoonogo punuk, Obaga kwippereegindak me, mondok nu'lek aret wonage,

Ndawi 104:5 ပူးပေါင်းရင်းမြစ်များ

Ayup 26:7

At Ala nen o oolo yi kagak, O omarip paga pa'nggwe nen mbogut mbiganogo nappi wage, O nggween yi, eenggi ya'lek tugunogo pege,

Ndawi 119:90

Kat liirogon eeppiinet nage menggendak nogo ti, Aa'nduk ndarak inom, yogondak nda'nogwe inom, Peebi nda'narugun inom, Mondok eeppinanit wundi wage menggendak o. O nggween yi, alom yarogo pereegindak me, Mondok aret wonage menggerak o.

Ndawi 136:6

At lombok nen niyo abena kagak nggween ogombaga ndoonogo pereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 96:10

Kit yi aakumi ndi aakumi inenggela'me logonet, “Aliku ALA ti, ninowe endagembogut aret o,” Yinuk, yogo logonip o. At o nggween yi abok aret Nu'lek eerogo pereegerak me, abolok yigin lek o. Aakumi inanebunu lombok eeremenggaarak nogo, At a'me nggelok inowak loongge logogin o.

Kini Wuppiige 8:29

“Kuli yi o,” yoreegerak kagak niyo kole laut ugun-ugun nage logokwak, non mbanogo pege, Nggween alom ndoonogo pit nage, Eereegerak.

Wone Alom Kibingga 1:4

Aa'nduk ndarak nogwe, peebi nda'narit wundi wogwe, eekwi iigak kwe, Nggween yi perak, lek aga'lek itok aret wonage menggerak.

2 Peterut 3:10

At ninowe woroorak nogo ti, “Ne ti eyom woraagin,” mbaka'lek kiigak, aap yogoot wagangga nogo pogom abera'lek me woraagin o. Ndi, wage kenok, mbogut yi, telangge logonet lek age, tut-laaluguragan mbogut paga menggerak inom, nggween yi inom, nggween paga wonogwe inom, abok aret kani nenet nage, eeke kaamunggup o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,