Ndawi 104:19 - Ala Wone Peenok Peebi Mbanak

¹⁹ Tut nen ne lingginggak yuurak koonogo pege, Ndi, oonegen nogo, Ne ndi eyom paga kilu yi nage logorak eenu wonage, Eeko menggaarak.

Ndawi 104:19 ပူးပေါင်းရင်းမြစ်များ

Ayup 38:12

O irip-irip eya eerogo pit nage, Aap maluk eeka inobaak yobak togon agago nappiige, Nggabok nggween tabak eerak paga ayo wogo kin kogo mengga kwak, Oonegen maa'ngga kunik lagi wage logonet, puurom-alu'me kin eerogo pege, Kin eerogo pege kenok, it aap maluk eeka nen O apit paga eekwi nogo o eya eeke kenok, it eeriyak mbakwi nogo non mbanogo piige, Eeruwak nduk, O weeru o, yinuk, wone lengganogo yoge, Ndi, o weege kenok, keya ndime eerit nak o, yinuk, nappege, Eeke nagagindak ilik, lek a?

Ndawi 19:6

Oonegen o irip ambi me nen wundi woraanuk, Nage menggim aret nage nagaatik, o irip ambi me unggwi nage me, Mo andi lek me ambime kumaa'nari noorak lek aret o.

Ndawi 74:16

O liingge inom, oonikiya inom, kat nen mban wakkage, Oonegen tut imbirak inobaane'me lombok logowak nduk, Kat nen aret koonogo pege,

Ndawi 8:3

Kat keenggi paga nen kat logowam mbogut ogobakkigike, Tut inom, laaluguragan inom, Inobaane'me lombok logowak nduk eerogo piige, Eereegindak nogo kage kenok,

Yeremiya 31:35

Aliku ALA nen yegerak nogo yi aret. “O liingge eya eeke logot o,” yinuk, oonegen yoge, “Oonikiya eya eeko logonip o,” yinuk, tut laaluguragan imbirak wone lengganogo yorage, Niyo nggwok yenggenak laut kilaarak-mogonik eeke logonet, oonebu ari logowak nduk, eerogo pege, Eeke menggerak endage Omaawi Lombok Menggerak Aliku ALA nen ari logonet,

Pelaareegerak 4:19

Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.