Ndawi 104:15 - Ala Wone Peenok Peebi Mbanak

¹⁵ Aakumi inale'nggen mbaruwak nduk, anggur amburu magarage, Inete teretak eeke logowak nduk tayitun amburu wogorage, Aakumi inomaawi logowak nduk, mbi magarage, Eeke menggerak o.

Ndawi 104:15 ပူးပေါင်းရင်းမြစ်များ

Wakkagagerak 18:5

Kit kinayeloman an nawoore'nggam pe'neya wogotak me, mbi nonggo logomonggotik, kinomaawi paga noorak mbako'nom nabagip nduk, kinabugo mbet-mbet aret larikit o.” Yorage mbareegi, it nogo nen, “E o! Yagandak ti ndak-ndak aret eeru o.”

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

Ndawi 105:16

O time mbi noogelo inoba ari woraawak nduk eeppiige, Inambi pipuk aago nogo a'nggan waganogo piige,

Ndawi 23:5

It ninom wim mbanak inenggaanom paga nambi-mbiingga pipuk eerogo panege, Amburu nanobak paga kilirogo panege, Obeelom eeppanegak mban eeke paga nagiwa'na uum kilu-kilu eerogo panege, Eeke menggendak o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Kini Wuppiige 31:6

It aakumi ineebe andi kogwe nogo mari aago logonet kambuwak nduk, amburu kumili aganaka mendek wogorage, It aakumi iniki aaninggin ndugu aago wonogwe nogo teeluk aruwak nduk, anggur amburu wogorage, Eeke logot o.

Wone Alom Kibingga 10:19

Laago lakwi ti, inale'nggen mbariyak ake, Anggur amburu ti, inale'nggen nen inoone ugun agan nugu logorak ake, Aret menggerak kwe, Wu ti perak, yi mendek ndi mendek eeriyak ake aret menggerak o.

Wone Alom Kibingga 8:1

Aap iniki warak menggi kwak ta o? Yi wone ndi wone agaatak alom eenu menggerak ta o? Iniki warak nen aakumi inete paga eya eerogo piige, Ndi, inetenggen aagi nogo teretak eerogo piige, Eeke menggerak o.

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Yetaya 3:1

It aap o kota Yerutalem inom, o Yekura inom, iniki panggonak wonogwe abok aret At Omaawi Lombok Menggerak Aliku ninogoba ALA nen ndinogo waagin o. Inambi-inagi pipuk aago inom,

Yetaya 55:10

O mayu inom, ndugu-ndugu inom, mbogut paga nen wambi wage nagaatik, nggween miin eerogo pit nage, Yabu yarak mili eerogo pege, Awi yarak mbilambunuk, abe lagawak nduk amburu eeppege, Eeke logonet, Aap awi yaka nogo awi peebi yariyak mbanggolaawak nduk, eeppege, It aap mbi noorak mbakwi nogo inambi ndarogo nawak nduk, eeppiige, Eeke nagaatik, Ti'nuk, iyokan yungguninuk lagangge menggi kwak,

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yetikiyen 14:13

“Aakumi nen ndarak yi wae. It aakumi o ambime mendek nen an liirogon mu'neren nogwe nogo mbo paninuk, maluk eerogo panugwi iinok, an neenggi omaawi paga it eeppiige logonet, inambi ndakkola wundiyak meek eerogo piige, mbi noogelo inoba nappi woraminggirak o time aap inom, wam inom, lek eerogo piige, eeke neenok,

Yetikiyen 4:16

Yo'nege nagagerik, wone ambinom an yo'nege logonet, “Aakumi nen ndarak yi wae. O kota Yerutalem paga mbi pipuk eerak wonage nogo, an nen lek eerogo pege neenok, mbi inom, niyo inom, mbuuluk aret arigin me, mbi mbuuluk-mbuuluk wogorogwe iinok, iniki piirik logonet nunggwi, ndi, niyo mbuuluk-mbuuluk toologo wogorogwe iinok, Meek aret ee'nabigin kagi, mbakak nunggwi, eeko logogun o. Inigen pet-pet yogo logonet, Yi ee'ninakerak, Iya, yinuk, pi wakwi, maluk eerit nogo logonet, ineebe lek aret arit unggwogwe, eeko logogun o,” yinuk, yo'nege kagagirak.

Yetikiyen 5:16

Maale namburogo nappogo mengga kwak, it kambuwak nduk, mbi noogelo mondok iya lombok inoba nappi wage, mbi abu nen yagan yobak-nggolak wakak mban eeko logowak nduk, inambi lek eerogo piige, eerigin o.

Ala Unde 26:26

Ndi, inambi an nen wogorage nogo lek eerogo pege neenok, kumi 10 nen inambi togolowak ambit paga lappunuk, aaninggin wakkagak wogorogwe iinok, namenggaarak kwe, abu nen wo'no lu yogwe mban aret logogun o.

Takariya 10:7

It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Marakut 14:23

Yorage nagagerik, amburu niyowa'na toolak nogo eenggim wagangge nagagerik, “Nogoba Ala wa,” yinuk, wogorage mbareegi, it abok aret nunggugwaarak.

Lukat 7:46

Kat nen amburu nanobak paga kilirogo panulik kwe, at perak, amburu obari abe mendek niyok paga kilippanegerak.

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Pelaareegerak 28:40

eyo tayitun awi kinanggween paga apit aret yarak wonage kwe, anggen yugu mono-mono wambemenggerak me, kit nen amburu aambiranogo tookkolaga'lek wonogwe,

Pelaareegerak 8:3

It aakumi mbi mban nunggwi iinok, ineenik logogun lek o. Ata, at Aliku ALA nen yi wone ndi wone ari nogo waganggwi iinok, mondok ineenik aret logorak nogo liippugwi, kiniki tebeppatinuk wonogwe, eeko logobagip nduk, mbi abu eerogo pinagage, ti'nuk, kit inom, kinombomini inom, kineenggo'lek mendek mbi mana wokkirage, eereegerak nogo o.

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,

1 Yaya 2:20

Kit perak, aap ambi eeke logowak nduk, leenogo punuk amburu kilippogo mengga kwak, at maluk eekeelik alik leenak menggerak nogo nen, kit leenogo pinaganuk, Aberiniki wokkiragagerak me, wone abe wone mamunggirage nogo, kit abok kineenu aret kiigi o.

Owak Loongga 19:5

Nogo kenagan yogo nogogwaarik, ko'lu o kuubondendok iname woraawok nduk, pipuk eeko mbareegwa, kolaga ogoba nogo nen aru nogo yoge logonet, “Yumagale kumbunuk, kinomaawi paga namunggup nduk, ninom mbi nawok o.”

Owak Loongga 9:13

Yoreegwaarak kwe, at eyo anggur nogo nen ari logonet, An ti, nanggen amburu paga kugi inom, aakumi inom, iniki ale'nggen eeppiige minggirak nogo mbo punuk, kit yi eyo ndi eyo kinirimbaga wiga agan nege logorak op mbakop? Neebi o.

Owak Loongga 9:9

Yoreegwaarak kwe, eyo tayitun nogo nen it yorage logonet, An ti, nanggen amburu paga kugi inom, aakumi inom, inayuk wuriyak nduk, eeke minggirak nogo mbo punuk, kit yi eyo ndi eyo kinirimbaga wiga agan nege logorak op mbakop? Neebi o.