Ndawi 104:13 - Ala Wone Peenok Peebi Mbanak

¹³ Kat kawi wurogo pit lagagenom nogome nen Puut-puut paga niyo ndik-ndik eerogo wuppit wage menggendak o. Kat eeke menggendak paga nggween yi, Abu ki eerak aret wonage menggerak o.

Ndawi 104:13 ပူးပေါင်းရင်းမြစ်များ

Ayup 38:37

Ta nen iniki warak me, ndugwi eenggi linggingge, Niyo mbogut paga niyoowa'na toolak wonage nogo Ta nen kilirogo wuppi wage kenok,

Ndawi 104:3

Niyo agi-ogu lambunik o oolo ya'i irimbaga kat kawi eyak wuppunuk, wurogo pit lagangge, Ndugwi ti kanggweendo kwak wokkeren nega eerogo pege, O wiya a'naabit paga nege,

Ndawi 147:8

At nen mbogut paga ndugwi lenggenogo pege, O mayu nen nggween miin eerogo puwak nduk, pipuk eerogo pege, Puut-puut paga iri'ngga laganuwak nduk, eeppit nage,

Yeremiya 10:13

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Amot 9:6

At o mbogut oolo ya'i awi wurogo pege, At awi wurik eyak o nggween paga yime yinogo pi wambi wage, Niyo nggwok yenggenak laut nogo wiiremenggerak owagam wage kenok, o nggween paga yime kilirogo pit nage, Eeke menggerak endage ti, Aliku ALA aret o.

Nappiigak 14:17

at nogo eebe yelok kaabagip nduk, eeppinagageelik ti lek o. Kinabuwa nen obeelom eeppinagage logonet, yi mendek ndi mendek kole aruwak nduk, mbogut paga nen mayu wokkirage, kiniki ale'nggen mbarubagip nduk mbi ka'let eerogo wokkirage, eeke menggerak o,” yinuk, inoone omaawi paga yorogogwaarak kwe,

Pelaareegerak 11:11

Ata, kit niyo Yoraran wunda nogo logomonggotik, unde eeppatinuk logowam time ti, mayu mbogut paga nen wurabi wage logonet, puut nggelok-nggobok inom, kobappaga inom, amburu warak eerogo pit nage menggim time aret namunggup o.