Ndawi 104:12 - Ala Wone Peenok Peebi Mbanak

¹² Towe wiganinuk nugu menggaarak nen Niyo nogo aa'nggi paga inawi wuppunuk wonogwe, Eyoongga enggela'me logonet inoone yogwe, Eeko menggaarak o.

Ndawi 104:12 ပူးပေါင်းရင်းမြစ်များ

Ndawi 147:9

Aap inaanggumi inambi noorak wogorage, Towe ya'ngge-ya'ngge inaagalogwe yirak-nggirak yogwe iinok, inambi wogorage, Eeke menggerak o.

Ndawi 148:10

Eyonggaame mendek inigen mbolokwi inom, Oome mendek inigen waanggo inom, Yi mendek ndi mendek nggween paga tu agan nega inom, Towe wiga agan nega inom,

Ndawi 50:11

Towe eyonggaame menggaarak abok aret iige, Karume nugu menggaarak kunduk neenggime wonogwe, Eeke minggirak o.

Ndawi 84:3

Nowe kendagembogut Komaawi Lombok Menggendak Kaliku nogoba Ala wae. Towe yiluwe nen, “An yime aret logokit o,” yinuk, Kawi wurik me awi mbambunuk wonage, Ndi, kake warogo wokkogo menggam eraanu towe wuni'nuk inaagalogwe ndarogo piyoorak awi mbambunuk wonage, Eekwi iinok, An kunduk togop aret logokit lak, “Ao,” mbake agarik o.

Matiyut 6:26

Towe mbogut paga nugu menggaarak ti, pegiyaanip o. It nen awi yakkologwe, ndi, anggen mbanogo wolombakwi, eekulik kwe, kit kinogoba mbogut paga mendek nen aret inambi wogorage menggerak kit kineenggo'lek me, yogo ogotik? Towe ti, iniki kundugu lek negen kagak, wogorage menggerak kwe, kit perak, iniki kundugu lombok logonet, wokkiraagin lek nduk yogo ogotik?

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.