Ndawi 104:1 - Ala Wone Peenok Peebi Mbanak

¹ Niniki yi wae. Aliku ALA tiyappege logot o. Kaliku nogoba Ala wae. Kat mondok nggwok lombok wonage, Kat abu tiyanak kayuk warak keenok, “Wi,” kugwi nogo Kobaanggi-kobaangge li'luk eerak kwak wonage,

Ndawi 104:1 ပူးပေါင်းရင်းမြစ်များ

Ndawi 103:22

At unde menggim yi awi ndi awi abok yi mendek ndi mendek ogobakkigirik yi wae. At Aliku ALA tiyappugwi, Eeko logonip o. Ndi, niniki yi wae. Kat kunduk at Aliku ALA tiyappege logot o.

Ndawi 104:35

It aap maluk eeko menggaarak nogo perak, O nggween paga yime nen inenggaawak lek ogwe, It aap maluk eeka nogo ineebe lek ogwe, Eeko logowak o. Niniki yi wae. At Aliku ALA tiyappege logot o. Aliku ALA tiyappogo logowok o.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 7:1

Kaliku nogoba Ala wae. Neebe op logokit nduk, kabu'me ari wagi o. It aakumi mu'neren wogwe nogo abok aret ineenggime nen ndinnake, nagap ndake, Eeru o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Ndawi 96:6

At endage tiyanak ayuk warak wonage kenok, “Wi!” ugwi nogo mban ndak warak wonage, At omaawi ayuk warak lombok menggerak nogo ti, At awi alik leenak menggim nogome ndak warak wonage, Eeke menggerak o.

Yetaya 59:17

Ti eeppiyaakit nduk, tin yikkologo mengga kwak at a'me nggelok eeppiiga nogo yikkolage, Mbuti petagi inanobak paga yikkologo mengga kwak inagap ndariyak wone yikkolage, Aap inane'me inooruwok nduk towe eeruwak yikkologo mengga kwak, maluk onggo eeppiyaakit nduk, ayum yikkolage, Towe yuut eeruwak mendaarak inambokan tek eerogo wurako mengga kwak, at omaawi togop aret eekkolage, Eereegerak.

Yeremiya 23:24

Aap ambi nenegen kage neyo, o ambime kumaa'nari ungguurak mbakop? Meek aret o,” yinuk, Aliku ALA nen yegerak o. Aliku ALA nen ari logonet, “An mbogut paga nggween paga neebe mondok ndak warak minggirak nogo lek a?” yinuk, yegerak o.

Ndaniyen 7:9

Kage nagarik, ambi awo kage me, Kwi'ndak wone lengganogo yorage logorak koonogo pit nanuk, At Anggok Ageelik Itok Menggerak nogo eyo ti paga kwi'nage kagarak. Ayum ti, ndugu-ndugu negen lan ari wonage, At eeruwak ti, towe yanggwi eeruwak negen wonage, Kwi'na'nuk wone lengganogo yorage menggim ti, kani wuninik negen wonage, Ndi, kwi'ndak menggerak iyok ti, kani wunuk ari negen wonage, Eerak kagarak.

Ndaniyen 9:4

Tamban eeke logonet, nogoba Aliku Ala yoge, nomaluk pagangge, eereegirak nogo yi aret. “Nogoba wae. Kat abu tiyanak kayuk warak aret o. It aakumi iniki kunik eekkakwi, koone yugu liirogon porogo logonet eekwi, eekwi iinok, inabuwa mbake logonet, kinom wone koonogo pege nogo mbeyok ariilik a'me nggelok mban eeppiige menggendak, kat Ala aret o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.