Ndawi 103:19 - Ala Wone Peenok Peebi Mbanak

¹⁹ Aliku ALA nen wone lengganogo yorage menggim mbogut paga koonogo pereegerak wonage, Yi aakumi ndi aakumi inom, yi mendek ndi mendek inom, Abok aret abu'me piinok wonage, Eeke menggerak o.

Ndawi 103:19 ပူးပေါင်းရင်းမြစ်များ

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

1 Mbinineegwaarak 29:12

Yi mendek ndi mendek kat mban unde wonage me, Aakumi ineenggi warak eeppiige, Aap inayuk warak logorak eeppiige, Eeke menggendak o. Kat mban keenggi omaawi wonage, Yi mendek ndi mendek porogo wonage, Eeke menggendak me, Aakumi inendage tiyappiige, Yi aap ndi aap inomaawi eeppiige, Eeke menggendak o.

Ndawi 11:4

Aliku ALA nogo at awi wurik alik leenak menggim nogome wonage, Ndi, Aliku ALA ti, wone lengganogo yorage menggim mbogut paga kwindak wonage, Eeke logonet, aakumi abok aret enegen wogonake, It eekwi nogo at enegen liippiige, Eeke menggerak.

Ndawi 115:3

Nit ninogoba Ala ti, mbogut paga wonage, At eeriyak mbake nogo aret eerit nage, Eeke menggerak kwe,

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 47:2

It aakumi nggween paga mendek abok aret Inowe endagembogut abu nggwok Tiyanak Lombok Menggerak Aliku ALA ti, mondok iya me, Aakumi abok aret, “Ia!” yinuk, Inagabolo ne agan nage menggerak o.

Ndawi 9:7

Kat Kaliku ALA mondok-mondok wone lengganogo yorage logomunggun o. Aakumi inowak loongge logowam koonogo pege,

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Ndaniyen 4:17

At Tiyanak Lombok Menggerak nen aakumi inabu'me piinok menggam abok at alik aret unde wonage logonet, at mippuurak nogo aret mippege, inendage lek abu tebenak lombok kwe, mippuurak mbake kenok, aret mippege, eeke menggerak it aakumi o nggween paga wonogwe yi abok aret ineenu aruwak nduk, at eeriyak kooneegerak yi, it aakumi inigen wogonaka nappiya wagaarak nen yorogwe, it at awuri alik leenak nogo nen yogwe, eeko agaarik o, yinuk, ari kagarak o.

Ndaniyen 4:25

Nogoba kat nogo ti, aakumi wonogwe me nen wumbagamenggaarak ndiimbu-nggwiya kinom penaame time nege logonet, tapi iri'ngga mbanogo nenet nugu mengga kwak, kat nenet nege, mbogut paga nen konaananggen wuppi woramenggerak paga keebe miin ngguluk-nggolak aago nege, eeke logomunggun o. Ti eerak nege keegak, tahun 7 aret koba nage kenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logowak nduk, mippiyoorak mbake kenok aret mippiige menggerak abet aret kagi o, yinuk, mbarumunggun o.

Ndaniyen 7:14

Pi wogo mbaka, at ayuk warak logonet, wone lengganogo yorage logowak nduk eerogo pege, endage tiyappege, endagembogut logonet unde logowak nduk eeppege, eeke mbaki, yi aakumi ndi aakumi inom, aakumi inanebunu lombok yi o ndi o wonogwe inom, aakumi inoone alitak inom, abok aret at abu'me tebe yinuk, alut eekwi iigirak o. At ayuk warak logonet, wone lengganogo yorage logorak ti, lek arigin lek mondok-mondok yorage, ndi, at abu'me piinok menggim ti, tebenogo pugun lek mondok omaawi wonage, eeke kagarak o.

Iberani 8:1

Nit wone yogwe yi nogo, alom liirogon yi aret yokkira o. Ala unde ninowe nggwok ti, togop aret wonage o. At ninogoba mondok tiyanak menggerak mbogut paga wone lengganogo yorage menggim eenggi abe'nggan paga kwi'nari laganeegerak logonet,

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.