Ndawi 103:12 - Ala Wone Peenok Peebi Mbanak

¹² Oonegen lagi wage menggim nen kilu yi nage menggim o nda lombok menggi kwak, Ninomaluk nda togop aret mbo nappege menggerak o.

Ndawi 103:12 ပူးပေါင်းရင်းမြစ်များ

2 Tamuwen 12:13

Yoge mbareegi, Ndawut nen Natan yoge logonet, “An nen at Aliku ALA maluk aret eeppigirak kagio.” Yoge mbareegi, at Natan nen at yoge logonet, “At Aliku ALA nen komaluk nogo lek eerogo pagagerak me, kat kambumunggun lek aret kwe,

Ndawi 113:3

Oonegen wundi wage menggim nen nok, kilu yi nage menggim abok aret Aliku ALA endage mban tiyanak wonage, Eerak logowak o.

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Yeremiya 50:20

Aliku ALA nen ari logonet, “Ne ti paga eerigin o, yinuk, yoragagirak ti eyom paga An nen eegu yumbunogo piyaminggirak nogo inomaluk lek eerogo piyaagin me, Aakumi nen, Iterali maluk ndogop eekaarak o, yinuk, kwaaremenggaarak kwe, eerulik aret iigwi, Ndi, it Yekura kunduk, Maluk ndogop eekaarak o, yinuk, yemenggaarak kwe, eerulik mban aret iigwi, Eerugun o,” yinuk, yegerak o.

Yetikiyen 18:22

An nawone yugu taganogo punuk maluk eeke logomenggerak nogo abok aret an nen, Aap ti, togop eekerak o, yinuk abeke logogin lek o. Abe mban eerit nage logomenggerak paga at mondok eenik aret logogin o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Mika 7:19

Aa'nduk ninabuwa mbake nagagindak nogo ndak-ndak, yogondak ambinom ninabuwa mbake logonet, Ninomaluk kumaarogo kiyok libik-lebek eerogo pege, Nit maluk eeko nogogurak nogo abok aret niyo nggwok yenggenak laut nogo oolo kiiniki paga lombok mbo wuppege, Eerumunggun o.

Iberani 10:2

It wogori wogo nogogwaarak nogo ti paga obeelom ogo logonetak en, inomaluk inikime aberak wonage nogo, lek a'netak me, peebi ambinom warogo wogori wagak eeko logonetak lek o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.