Ndawi 103:11 - Ala Wone Peenok Peebi Mbanak

¹¹ It aakumi at inagabiti mbako menggaarak iniki kunik iya negen aganake nogo ti, Nggween paga nen mbogut agi tiyarogon nina nikkoorak meek nogo kwak aret menggerak o.

Ndawi 103:11 ပူးပေါင်းရင်းမြစ်များ

Ayup 22:12

Laaluguragan mbogut paga abu tiyarogon wonage ti, nikket o. Ti wonage kagak kwe, irimbaga Ala mondok tiyarogon wonage nogo lek a?

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 31:20

Aap maluk eeko menggaarak nen eeppiyoorak kote koonit nugwi nogo eeppiyookwak, It ineebe op logowak nduk, kenggaawak paga piige, Aakumi inoone agan nugwi paga inom yawi pukwak, Kat wonage menggenom kumaappiige, Eeke menggendak o.

Ndawi 36:5

Kaliku ALA wae. Aakumi kiniki kunik eeginake menggendak ti, Mbogut paga kuli aret wonage, Eeppiyoorak mbake'ndak li'lak eeke menggendak ti, Ndugwi paga kuli aret wonage, Eeke menggerak.

Ndawi 89:2

Kat aakumi inabuwa nen kiniki kunik aganake nogo, lek ageelik mondok-mondok aret aganake, Yo'niraga'ndak li'luk eeppinanege nogo, mbogut nu'lek menggi kwak eeppinanege, Eeke menggendak nogo An yorage logogin o.

Kini Wuppiige 25:3

Mbogut agi tiyarogon wonage, ndi, nggween yi, ogu teberogon wonage, eeke menggi kwak, Aap inendagembogut iniki ti, togop aret me, iniki mbakwi kwaakkoorak meek aret o.

Yetaya 55:9

“Nggween ogu kagak mbogut agi tiyarogon wonage menggi kwak, It eerit nugwi nogo tebenak kagak, an eerit nage perak, abu tiyanak lombok wonage, Ndi, it eeriyak koonggwi nogo meek negen kwe, an eeriyak koongge perak, mondok iya lombok wonage, Eeko monggoorak.

Lukat 1:50

It aakumi at inagabiti mbakwi iinok, muk ndarak ngget ndarak abok aret inabuwa nen obeelom eeppiinet wundi wage logogin o.