Ndawi 103:1 - Ala Wone Peenok Peebi Mbanak

¹ Niniki yi wae. Aliku ALA tiyappege, Niniki-neebe yi wae. At endage abu abe alik leenak me, alut eeke, Eeke logot o.

Ndawi 103:1 ပူးပေါင်းရင်းမြစ်များ

Ndawi 103:22

At unde menggim yi awi ndi awi abok yi mendek ndi mendek ogobakkigirik yi wae. At Aliku ALA tiyappugwi, Eeko logonip o. Ndi, niniki yi wae. Kat kunduk at Aliku ALA tiyappege logot o.

Ndawi 104:1

Niniki yi wae. Aliku ALA tiyappege logot o. Kaliku nogoba Ala wae. Kat mondok nggwok lombok wonage, Kat abu tiyanak kayuk warak keenok, “Wi,” kugwi nogo Kobaanggi-kobaangge li'luk eerak kwak wonage,

Ndawi 111:1

At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 138:1

Kaliku ALA wae. Niniki ambit eeppunuk, “Wa,” lombok yokkege, Kugi abok inenggaanom ndawi paga Kanep tenok-mbenok tiyangge, Eerigin o.

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 47:7

Ala ti, it aakumi o nggween paga wonogwe abok aret Inowe endagembogut at aret wonage me, At anep pugu ndawi waruwok o.

Ndawi 63:5

Mbi ombat abe larak ndonggok togon nunggwi kwak, Kat togop aret eeppanege keenok, Niniki ale'nggen nen noone paga Ndawi wake logonet, tiyappagage logogin o.

Ndawi 99:3

At kikak nakeelik alik leenak endage mondok nggwok iya lombok me, Yi aakumi ndi aakumi at endage tiyappogo logowak o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Yaya 4:24

Ala ti, aakumi inigen kogolik mendek me, it aap at alut eeriyak mbakwi nogo iniki paga nen abet mba'nuk, at alut eeko logowak o.”

1 Korindut 14:15

Ti kenok, an tamban nonggop eeke logi o? An tamban eeke kenok, niniki kobak logonet, ambi inoone lalin negen woppunuk, eerigin lek o. Niniki nen abeppunuk, aakumi inoone paga aret eeke logogin o. Ndi, ndawi ari kenok, aakumi inoone lalin negen woppunuk kobak logonet ari logogin lek mban. Niniki koombunuk nen aakumi inoone yogo menggaarak nogo paga kin aret ari logogin o.

Pilipi 1:9

Kit yi wone ndi wone alom liirogon kineenu ogwe, ndi, kiniki warak logonet, yi mendek ndi mendek eraambe yelok kogwe, eeko logonet, it kinom kiniki kunik aganakwi nogo, ambinom nggwok arit wundi nage logowak nduk, kinake tamban eeke minggirak o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,