Ndawi 102:8 - Ala Wone Peenok Peebi Mbanak

⁸ Kubondendok nen nok kiyoma kuli ari nage kagak, It ninom ogoorak nen miyuk-meya eerogo panugwi, Inanini nombakwi nen an nendage kunogo aakumi pulunogo piigwi, Eeko agaarik o.

Ndawi 102:8 ပူးပေါင်းရင်းမြစ်များ

Ndawi 2:1

It yi aakumi ndi aakumi nanini-kanini agan nogo logonet, Maluk eerogo piinet nugwi, Aap inanebunu lombok we aanom warogo wone kote koonit nugwi, Eekwi ti, Nonggop nduk eeko agaarik o?

Ndawi 41:5

It ninom wim mbanak nen Ineebi lombok nomba'nuk yogo logonet, “At endage lek logowak nduk mbet kambiyok!” Yinuk, yogo agaarik o.

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Ndawi 77:5

O aa'nduk lombok eerit wagagerak nogo, niniki koonit nage, Yi tahun ndi tahun paga eerit wagagerak nogo niniki aberit nage,

Ndawi 89:51

Ndi, Kaliku ALA wae. It ninom wim mbanak nen meek eerogo panugwi nogo ti, Kat amburu eerogo mippaneegindak yi awi ndi awi niyok pit nage neegak, Eeppanegaarak nogo abeke, Eeke logot o.

Yetaya 65:15

An leenogo piyareegirak nen it inendage toonak punuk namenggaarak nogo, kumbunuk pulunogo piigo logogun o. Naliku Nitok Minggirak an ALA nogo nen it inoorigin kwe, it an nayeloman mini nogo perak, inendage alik yorage logogin o.

Yeremiya 29:22

It ti agan nugwi paga aakumi o Yekura nen kugun wogoren Mbaben piya nogogwaarak wonogwe nogo nen it ambi kugi pulunogo piyoorak mbakwi kenok, yogo logorak nogo yi aret. Aap Akap Terekiya imbirak it Mbaben inowe endagembogut nen ineenik ngge-ngge kani kunik me mambiyareegerak nogo kwak, Aliku ALA nen togop aret eekkinabuwak o, yinuk, yorogo logogun o.

Lukat 6:11

Eenggi abu obeelom aret agagerak kwe, it perak, iniki inanini arit unggwage logonet, “Yetut nonggop eerogo puwi o?” yinuk, wone mbaneegwaarak.

Nappiigak 26:11

It Yakuri tamban eeko menggam lombok it abet mbakwi mbo puwak nduk, inoorit nage, ndi, At Yetut endage miyuk-meya eerogo pinip o, yinuk, noone omaawi paga yorage, eeke nagagirak. It abet mbakwi ti, Abu neebi lombok, inombake logonet, nanini wu agan nage kenok, aakumi inambik iname o nda lombok time aret inoorikit nduk, muguren-magaren lombok nege nagagirak o,” yinuk, yoragagerak.

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,