Ndawi 102:26 - Ala Wone Peenok Peebi Mbanak

²⁶ Mbogut inom, nggween inom, ti lek arigin kwe, Kat perak, kitok mondok aret menggendak o. Yum maan yugu me nibik ari kenok, mbo pogo mengga kwak, Yum enete maluk agaatak kenok, Yuwi-mbuwi eerogo mbo punuk, Obaane'me alik ngget mendek yikkologo mengga kwak, Mbogut-nggween yi, togop aret eerigin kwe,

Ndawi 102:26 ပူးပေါင်းရင်းမြစ်များ

2 Endagembogut 19:15

Mbiganogo punuk, tamban paga Aliku ALA yoge logonet, “Kaliku Iterali inogoba Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

Ayup 38:4

An o nggween yi, alom lombok kwippege neegak, kat ngga wonagagindak? Keenu kenok, mbininogo yo'niru o.

Ndawi 102:12

Kaliku ALA wae. Kat perak, Mondok-mondok kendagembogut aret o. Aa'nduk nda'narit wundi wogogwaarak iigak, Peebi nda'narit wundi nogwe iigak, Kat kendage mondok ki aret menggerak o.

Wundeegwaarak 3:14

Yoge mbareegi, at Ala nen Muta yoge logonet, “An ti, AN ARET. Ndi, kat nen it Iterali mendek yorage logonet, At endage, AN ARET nen nappani wagaarak, yoraamunggun o.”

Yetaya 34:4

Laaluguragan ninggirik wonage nogo amburu tigi-tigi wungge logonet, lek age, Mbuku perek-parek aago kwak mbogut togop aret perek-parek eerogo pege, Eyo win engga mono-mono wangge, wuliinggen nggaru-nggaru wangge, Eeke menggi kwak, Laaluguragan abok togop aret yumbu-yumbu wambit wage, Eerigin o.

Yetaya 51:6

Kina mbogut nikkogwe, kinigen nggween pekkogwe, Ee'nip o. Ka'luk lek age menggi kwak mbogut lek age, Yum yiko logonet nibik ari menggi kwak, nggween yi togop aret age, Eeke kenok, It aakumi nggween paga wonogwe nogo laami ne ambit liingge kanggo mengga kwak kambit nagun kwe, An kinagap ndake neenok, kinagap ndarak mondok-mondok wonogwe, Ndi, obeelom eerogo pinagage neenok, mondok obeelom aago aret wonogwe, Eeko logomunggup o.

Yetaya 65:17

At Aliku ALA nen ari logonet, “An nen mbogut ngget mendek ogobakkigirogo pege, Nggween ngget mendek ogobakkigirogo pege, Eerigin o. Aa'nduk lombok eerit wogo nogogutak nogo ambinom niniki abe'nage, Ninikime nen ambi koonnage, Eerigin abu lek o.

Yetaya 66:22

Aliku ALA nen ari logonet, “Mbogut ngget mendek eerogo pege, nggween ngget mendek eerogo pege, eerigin nogo ti, lek arigin lek mondok-mondok nenggaanom paga logogin ti kwak, kit paga wiganak mondok-mondok wonogwe, ndi, kit kinendage mondok-mondok ki aret wonage, eerak logogin,” yegerak o.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Lukat 21:33

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yinuk, yoragagerak.

Oroma 8:20

Yi mendek ndi mendek ugun mak eerak wonogwe yi nogo ti, inaburen ma'nogogwaarak lek o. At Ala nen, “Yi mendek ndi mendek wakkagarak kwe, mbeyok yegerak me, aanom warogo wakkagarak kagi!” yinuk, iniki nen aret mak eerogo mbo piyareegerak wonogwe o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 21:1

Ti eeke kage nagarik, wonage me, mbogut-nggween aa'nduk wakkagagerak nogo inom, yi nggwok yenggenak laut nogo inom, lek age kagak, obaane'me mbogut-nggween ngget ogobakkigirik nogo ari wage kagarak.