Ndawi 102:21 - Ala Wone Peenok Peebi Mbanak

^21-22 Togop aret me, yi aakumi ndi aakumi inom, It aap inendagembogut inabu'me piigo menggam inom, Abok aret Aliku ALA alut eeruwok nduk, kuwak eeri wogwe iinok, O Tiyon paga Aliku ALA endage kunogo yorogwe, O Yerutalem paga at endage tiyappugwi, Eeko logogun o.

Ndawi 102:21 ပူးပေါင်းရင်းမြစ်များ

Ndawi 22:22

Kendage wiganogo noreewi wonogwe me yoranet nage, Kapuri kuwak aago inenggela'me kendage tiyappege, Eerigin o.

Ndawi 79:11

It aap keele maarak logonet, Iniki nggilu yogwe wonogwe nogo liippiige, It kambuwak nduk koonogo pugu nogo, Kat keenggi omaawi paga inagap ndake menggendak ndak-ndak inili ari, Eeke logot o.

Ndawi 79:13

Togop eeke keenok, Kandomba ndegenninake nit kapuri yi nen, mondok-mondok, “Wa,” yokkugwi, Kabok mbininogo kendage tiyappagagwi nogo, Ninapuri nda'narit wundi nogwe iinok, mbininogo yoranet nogwe, Eeko logogun o.

Wundeegwaarak 3:16

Togop aret me, it aap Iterali inoweewi yo'nggok kero kuwak eeppiinok, yorage logonet, Kit kinombomini Abarakam inom, Itak inom, Yakup inom, at Aliku inogoba Ala nogo nen ni'neya wage nagaarik, yo'nege logonet, It aakumi Metit mendek nen aaninggin-paaninggin inoba piigwi nogo an inogoba Ala nen muk liippiige nagarik,

Wundeegwaarak 3:17

it o Metit aaninggin-paaninggin eeppiigwi me time nen wogoren aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween mili obeelom yilak amburu inom, nggiin amburu inom, niyo eneeri negen kila-kila wungge menggim time piya nagin abu koonogo pigirak, yegerako, yinuk, yoraamunggun o.

Yetaya 51:11

Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.

Epetut 3:21

nit Ala apuri yi awi ndi awi kuwak eerit nogo monggoorak abok aret Keritut Yetut ninom kunik logonet, yogondak inom, peebi inom, at mondok-mondok alut eeko logowok o. Amin!

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.