Ndawi 102:2 - Ala Wone Peenok Peebi Mbanak

² Aaninggin noba a'nuk wonage neenok, Kenete kumaappatinuk logorak mage o. Ata, an yokkege neenok karuk konengge, Noone nggwok paga yokkege neenok, Onggo mbet-mbet yo'nege, Eeke logot o.

Ndawi 102:2 ပူးပေါင်းရင်းမြစ်များ

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ndawi 104:29

Wogoraga'lek kenete niminik wonage keenok, inaganak wake, Ndi, iniki wagangge keenok, kanggo nagaatik, Liirubu mendek aret me, liirubu aret ogwe, Eeko menggaarak o.

Ndawi 13:1

Kaliku ALA wae. An neebe komari eerogo mbo paninuk keegak, mondok-mondok logomunggun ilik? An keege neyo, kenete kumaappatinuk wonage keegak, Ne mande age,

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Ndawi 17:1

Kaliku ALA wae. Kat nen liirogon a'me nggelok eeppanege logonok nduk, Yokkege me, karuk konengge, Noone nggwok paga yokkege yi, liippanege, An pilit lek abet aret tamban paga yokkege me, karuk nggoongge, Eeke logot o.

Ndawi 22:19

Togop me, Kaliku ALA wae. Kat perak, keebe ndaanda logogun o. Nomaawi eeppanega yi wae. Mbet-mbet yeenggwa niri omok o.

Ndawi 27:9

Pe'neyoorak keebi nomba'nuk kenete kumaakkolage, Kanini nen an kayeloman mbo panege, Eerugun o. Kat nen yeenggwa nege menggendak me, Nagap ndaka nogoba Ala wae. Yogondak an teppanege, mbo paninuk mbagangge, Eerugun o.

Ndawi 31:2

An yokkege neenok, karuk liirogon nggoongge, Mbet-mbet aret yeenggwa niri wage, Puut lunik abu'me mengga kwak An neebe op logorak togop aret eerogo panege, An nagap ndarak logokit nduk, Yugum pak wurogo pereegi pogom eerogo panege, Eeru o.

Ndawi 40:13

Togop me, Kaliku ALA wae. Kale'nggen nombake logonet, nagap ndariyak koongge, Kaliku ALA o. Mbet-mbet yeenggwa niri wage, Eeru o.

Ndawi 69:17

An niniki abu lek ee'nake kagak, Kayeloman an keege neyo, Kenggaawak kumaappatinuk logorak mage o. Ata, mbet-mbet aret wone onggo yo'nege,

Ndawi 70:1

Ala wae. An nagap ndari wage, Kaliku ALA wae. Mbet-mbet yeenggwa niri wage, Eeru o.

Ndawi 71:2

Kat abe koonak mban eeke menggendak me, Yeenggwa nege, mbaganikit nduk koonogo panege, Noone yokkege yi, karuk liirogon konembunuk nagap ndake, Eeru o.

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Wundeegwaarak 2:24

Ndi, inoone inabuwa nggo-nggo yogwi nogo Ala aruk konengge nagagerik, aap Abarakam inom, Itak inom, Yakup inom, wone abuk nggaruk togon inom mbaneegwaarak nogo abereegerak.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.