Ndawi 102:19 - Ala Wone Peenok Peebi Mbanak

^19-20 “It aakumi keele maarak yagan wako logonet, Inoone yogwe nogo at aruk konengge, It aap inooriyak punik nogo wondet eerogo piige, Eerikit nduk, At Aliku ALA abu leenak Tiyarogon wonage menggim logonet enegen wugiya wage, O mbogut paga nen nggween paga ena wu'nari wage, Eekerak o,” Yinuk, liiru mbanogo pigi o.

Ndawi 102:19 ပူးပေါင်းရင်းမြစ်များ

1 Endagembogut 8:39

yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti mugurok inowak loongge, inomaluk lek eerogo piige, eeke logomunggun o.

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Ayup 22:12

Laaluguragan mbogut paga abu tiyarogon wonage ti, nikket o. Ti wonage kagak kwe, irimbaga Ala mondok tiyarogon wonage nogo lek a?

Ndawi 14:2

At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Pelaareegerak 26:15

Togop aret me, kat kame agi mbogut irimbaga alik leenak menggenom time logonet, kiniki ale'nggen paga kapuri Iterali mendek kena wu'niya woraanuk, obeelom eeppinanege, ndi, ninombomini yorage logonet, Kinanggween mili obeelom yilak amburu inom, nggiin amburu inom, niyo eneeri negen kila-kila wungge menggim wokkiraagin o, yinuk, wone abuk nggaruk togon kumbuk mbanogo yoragagindak ndak-ndak aret wo'niragagindak nggween nogo kunduk obeelom eeppege, eeru o, yinuk, yogo logomunggup o,” yoragagerak.