Ndawi 102:18 - Ala Wone Peenok Peebi Mbanak

¹⁸ Aakumi peebi nda'nariyak nogo ineenu ogwe, It aakumi peebi wigannarugun nogo nen Kaliku ALA kendage tiyappugwi, Eeko logowak nduk, Inake liiru mbanogo puurak nogo yi o.

Ndawi 102:18 ပူးပေါင်းရင်းမြစ်များ

Ndawi 69:34

Mbogut-nggween nen kat kalut eekwi, Niyo nggwok yenggenak laut inikime nogome Nugut-tiyak agan nugu menggaarak abok aret inom nen kendage mban tiyappugwi, Eeko logowak o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Wundeegwaarak 17:14

Inooke mbareegi, at Aliku ALA nen Muta yoge, “An nen eeppiyaminggirak paga yi aakumi ndi aakumi o nggween paga yime wonogwe nogo abok nen, It aakumi Amalek mendek arop ambi inanobak ki wonogwe yi o, yinuk, yogo logogun lek me, yogondak eerogo piigirak nogo mondok-mondok aberak logobagip nduk, mbuku paga liiru mbangge, ndi, at Yotuwa aruk paga pege, eeru o,” yoreegerak.

Yetaya 43:7

It an nendage tiyappogo logowak nduk ogobakkigirogo piige, Ineebe longgo warogo piige, ina koonogo piige, Eereegirak nendage kunogo agan nogo menggaarak abok aret wogoren piya wogo logowak o,” yinuk, yegerak me, yokkiragi o.

Ndaniyen 9:2

Endagembogut a'nuk tahun aa'nduk eeke ti paga wone lengganogo yorage kagak, an Ndaniyen nen Ala wone yugu mbanak lunit unggwage logonet, “O kota Yerutalem langgu-langgu aago aret kagak, tahun 70 aret eerigin o,” yinuk, Aliku ALA nen at yoge kagak yoraga Yeremiya nogo, yoreegerak liiru mbanak wonage kagagirak.

Yaya 20:31

Eeke nagagerak liiru mbanak yi nogo ti, Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.

Oroma 15:4

Maan aa'nduk Ala wone yereegerak liiru mbaneegwaarak nogo ti, nit pekkogo logonet, “Niniki lunik wonogwe nogo, ninaanaganggenggwi lek niniki kwi'ndak wonogwe niinok, abet aret kolaagun,” nineenu a'nuk, ninale'nggen mbaruwok nduk, liiru mbanit wundi wogogwaarak.

1 Korindut 10:11

It eereegwaarak nogo ti, in wakkagak nit nineenu aruwok nduk, eereegwaarak me, o age yobok eeriyak eyom panggoni wage kagak, nit yogondak wonogwe yi, niniki liippatuwok nduk, wone yi, liiru mbanniragagerak.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

2 Peterut 1:15

An kambiminggirak neegak, kit nen, “At ninogoba nogo nen wone ndogop yo'niragagerak nogo o,” yinuk, kiniki abeko logobagip nduk, an awo kangga'lek logonet, yi wone ndi wone yokkirage minggirak nogo, mondok nggwiirit-nggwaarit aret yokkirage logogin o.