Ndawi 102:17 - Ala Wone Peenok Peebi Mbanak

¹⁷ It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 102:17 ပူးပေါင်းရင်းမြစ်များ

Nekemiya 1:11

nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Nekemiya 2:20

Yo'nirogo mbareegwa, an nen it yorage logonet, “Nit Ala ayeloman mini aret me, o yi wuruwok nduk, eekwi niigak, at mbogut paga menggerak Ala nen yeenggwa niraagin aret o. Yeenggwa niraagin kwe, kit o Yerutalem yime unde wonogwe, kinendage ambi yogwe, Kinaworak o, yogwe, eekwi lek aret me, kit kinobaalombok nen kooniyak ambi lek aret mbako logonip o,” yinuk, yoragagirak.

Ndawi 147:2

Aliku ALA nen o Yerutalem obaane'me wurogo pege, It Iterali wogoren mbo piya nagagerak nogo kuwak eerogo piige,

Ndawi 69:23

Yi mendek ndi mendek kaga'lek logowak nduk, inigen ogut age, Inamborowak tibik-tibik nugu logowak nduk, Inamborowak yomok ari, Eeruwak o.

Ndawi 72:12

It aap ineenggi lek tebenak wonogwe nogo nen, “Yeenggwa niret o,” yogwi iinok, yeenggwaarage, It tebenak wonogwe nogo, yeenggwaaroorak lek iinok, yeenggwaarage,

Ndawi 9:18

It aap ineenggi lek nogo mondok kobak eerak wonogwe lek inoba aberinake, Ndi, it andi-pandi logonet, iniki lunik nogo mbeyok yaga'lek a'me nggelok eeppiige, Eerigin o.

Yetaya 40:5

Aliku ALA mondok tiyanak menggerak nogo kin ari wage kenok, It aakumi abok aret nen ndak-ndak inigen kogo logogun o,” yinuk, Aliku ALA nen aret yegerak me, yagi o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Yeremiya 31:38

Aliku ALA nen ari logonet, “An nake o kota Yerutalem yi, obaane'me wurugun me, ti wuko logonet, o nggorek wurik endage Kananen nen nok, Tu Unggwogo Menggam Unggu'me time kuli wuriyak eyom panggoni woraagin o.

Pelaareegerak 32:36

At Aliku ALA nen at apuri inowak loonogo maluk onggo inoba piige, At ayeloman mini aret me, inabuwa mbake, Eeppiige logogin me, At apuri inomaawi lek age, It wondet aago nugwi inom, inayeloman inom, ineebe lek ogwe, Eekwi iige logomenggerik,

Pelaareegerak 4:29

Ndi, togop eeko logomunggup kwe, At Aliku ninogoba Ala ngga wonage agaarik o? yinuk, kiniki-kineebe apit aret nggaruk togon at kwaakwi kiinok, eebe aret kwaakkaamunggup o.