Ndawi 102:13 - Ala Wone Peenok Peebi Mbanak

¹³ O kota Tiyon obeelom eeppuurak eyom panggoni wage, At eeppuurak koonak nogo abu panggo yi wage, Eekerak me, Kat pilak ari logomenggendik, O Tiyon abuwa mbake logomunggun o.

Ndawi 102:13 ပူးပေါင်းရင်းမြစ်များ

Ndawi 135:13

Kaliku ALA wae. Kat kapuri inaana'le mbanogo piige, Kayeloman mini inabuwa nen eeppiige, Eerumunggun me, Kaliku ALA wae. Kendage mondok-mondok ki aret wonage, Kaliku ALA wae. Yogondak ndarak inom, Peebi nda'narit wundi wogo logorak inom, Kendage mondok-mondok aberak wonogwe, Eeko logogun o.

Ndawi 44:26

Kat ninabuwa nen kiniki kunik mban ee'ninabit wundi wage menggendak me, Pilak ari logonet, Yeenggwa nirage, ninagap ndake, Eeru o.

Ndawi 51:18

Eeriyak op mbake keenok, o Tiyon obeelom eerogo pege, Kota Yerutalem yugum pak wurogo pit nage, Eeru o.

Ndawi 7:6

Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 75:2

Kat Ala nen ari logonet, “Ne ndi eyom paga aakumi inowak looniyak o, yinuk, An nen aret koonogo punuk, An nen aret a'me nggelok mban inowak loongge logogin o.

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndawi 92:9

Kaliku ALA wae. Kat kinom wim mbanak nogo, Kat kawim nogo abet aret lek eerogo piige, It aap maluk eeka abok aret mak eerogo nappiige, Eerumunggun o.

Wundeegwaarak 3:15

Yoge nagagerik, Ala nen Muta ambinom yoge logonet, “Kinogobamini Abarakam inom, Itak inom, Yakup inom, Naliku inogoba Ala nen aret muk kinowagam nappani wagaarak, it aakumi Iterali yoraanu o. An nendage, AN ARET, yokkigirak ti, lek arigin lek mondok-mondok aret logogin me, yi aakumi ndi aakumi nda'narit wundi wogo logonet, nendage ti aret yogo logogun o.

Yetaya 14:32

It eeppiyamenggaarak nogo aakumi ambi nen, Pegiya nanip o, yinuk, Yoramenggaarak it yora wogwe iinok, It nen onggo ngge yoraagun? Lek o. Aliku ALA nen o Tiyon alom kwippereegerak me, nit at apuri yagan wako nogogurak nogo O time nineebe op logowok nduk, eeppinanggerak, yorogo logogun o, yinuk, ari kagarak me, yokkiragi o,” yoragagerak.

Yetaya 40:2

It aakumi inayeloman mini eeppiirogo wonogwe me nen wondet eerogo piyoorak eyom muk panggoni wagaarak o. Maluk eeko nogogwaarak nogo lek eerogo piige, Inomaluk eeko nogogwaarak Naliku ALA onggo eeppiyareegirak nogo, Ne mbere eeppiyookwak, mondok nggwik togon inoba kwippiige, Eekirak nogo Abu aret eekirak me, Kat o Yerutalem mendek inabuwa nen koone yanggorogon yorage logot o,” yinuk, yo'negerak me, yagi o.

Yetaya 60:1

“O Yerutalem ti, eya eeppuurak nogo muk koorok panggoni wage, Naliku ALA nabinak kwindagala aago nogo eebe paga pindanogo pi wage, Eeke me, Mi'na'nuk, aakumi in wakkagak eya aago logowak o.

Yeremiya 31:23

At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.

Ndaniyen 12:9

Yoge mbaki, at nen an yo'nege logonet, “Ndaniyen wae. Wone yokkigirak mbuku paga liiru mbanak yi, lambunogo amburu nabenogo punuk kiraarak kagak o age yobok kuli aret ari woraagin me, yogondak we aret nak o.

Nappiigak 1:7

Yogo mbareegwa, Yetut nen it yorage logonet, “Nineyom-naneyom eeko logorak nogoba Ala alik unde logonet, koonogo pereegerak ti, kit kineenu ariyak lek o.

Nggalatiya 4:4

wone Muta yoreegerak nit eeko logowok nduk, keele maarak negen wonogwe nogo, ninonggo mbambunuk, wondet eerogo pinanege logomenggerik, aap ambi apuluk maluk ngguungge menggi kwak, nit at apuri lombok logorak ngguunninabuwak nduk, Ala nen, “Ndiyom paga napuluk nappi woraagin o,” yinuk, kooneegerak nogo, abu aret panggoni wage mbareegi, kwe ambi nen aret ndareegerak. Ndake mbareegi, wone Muta yoreegerak eekwi nogo inom aret eerit nage nagagerak.

2 Peterut 3:8

Ti agan nogo logomenggaarak kwe, nowe-nawot o. Kit an niniki kunik me, wone ambiriluk yokkiraagin yi, kobak eerogo mbo pugup o. Nit nen o ne ambit weege mbakwi nogo, at ninogoba Ala nen tahun seribu aret mbake, ndi, nit nen tahun seribu mbakwi nogo, at nen o ne ambit weege mbake, eeke menggerak o.